തിരുവനനന്തപുരം: കെപിസിസി അധ്യക്ഷനെ മാറ്റുമെന്ന് അഭ്യൂഹം പരന്നിരിക്കെ കെ സുധാകരന് മുതിര്ന്ന കോണ്ഗ്രസ് നേതാവ് എ കെ ആന്റണിയുമായി കൂടിക്കാഴ്ച നടത്തി. പ്രസിഡന്റിനെ മാറ്റാനാണ് തീരുമാനമെങ്കില് മാറാമെന്നും പൊതുചര്ച്ച ചെയ്ത് അപമാനിക്കരുതെന്നും കെ സുധാകരന് ആന്റണിയോട് ആവശ്യപ്പെട്ടു.
തനിക്ക് ആരോഗ്യപ്രശ്നങ്ങളുണ്ടെന്ന് ചിലര് മനപൂര്വം പ്രചരിപ്പിക്കുകയാണെന്ന് സുധാകരന് പറഞ്ഞു. തിങ്കളാഴ്ച ഉച്ചയ്ക്ക് രണ്ട് മണിയോടെയാണ് സുധാകരന് ആന്റണിയെ കാണാനെത്തിയത്.
അതേസമയം ആന്റോ ആന്റണിയെ കെ പി സി സി അധ്യക്ഷനാക്കുന്നത് അംഗീകരിക്കില്ലെന്ന് ചില കോണ്ഗ്രസ് നേതാക്കള് രാഹുല് ഗാന്ധിയെ കണ്ട് അറിയിച്ചു. സുധാകരനെ മാറ്റെണ്ടതില്ലെന്നും അഥവാ മാറ്റിയാല് അത്രയും തലപ്പൊക്കമുളള നേതാവാകണം കെ പി സി സി അധ്യക്ഷനാകേണ്ടതെന്നും ഇവര് ആവശ്യപ്പെട്ടു.
പ്രതിപക്ഷ നേതാവ് വി ഡി സതീശന് നായര് സമുദായത്തില് പെട്ട വ്യക്തി ആയതിനാല് കെ പി സി സി അധ്യക്ഷന് ക്രൈസ്തവ വിഭാഗത്തില് നിന്നാകുന്നതാണ് നല്ലതെന്ന അഭിപ്രായം ഒരു വിഭാഗം നേതാക്കള്ക്കുണ്ട്. ഇതാണ് തിയ്യ സമുദായത്തില് നിന്നുളള സുധാകരനെ മാറ്റാനുളള നീക്കത്തിന് പിന്നിലെന്നും അണിയറ വര്ത്തമാനമുണ്ട്.
