വയനാട്: വാളാട് പുഴയോട് ചേര്ന്ന ഡാമില് രണ്ട് വിദ്യാര്ത്ഥികള് മുങ്ങി മരിച്ചു.പുലിക്കാട്ട് കടവ് പുഴയോട് ചേര്ന്നുള്ള ചെക്ക് ഡാമിലാണ് വിദ്യാര്ത്ഥികള് അപകടത്തില് പെട്ടത്.
ഒമ്പതാം ക്ലാസ് വിദ്യാര്ത്ഥിയായ ക്രിസ്റ്റി (13), പത്താം ക്ലാസ് വിദ്യാര്ത്ഥിയായ അജിന് (15) എന്നിവരാണ് മരിച്ചത്. ഇവരെ ഉടന് തന്നെ മാനന്തവാടി മെഡിക്കല് കോളേജ് ആശുപത്രിയില് എത്തിച്ചെങ്കിലും രക്ഷിക്കാനായില്ല.
തിങ്കളാഴ്ച വൈകിട്ട് അഞ്ച് മണിയോടെയായിരുന്നു അപകടം. കുളിക്കാനെത്തിയ അഞ്ചു കുട്ടികളാണ് അപകടത്തില്പ്പെട്ടത്.ഇതില് മൂന്നു പേരെ രക്ഷപ്പെടുത്തി.രണ്ടുപേരെ രക്ഷിക്കാന് കഴിഞ്ഞില്ല. മരിച്ച രണ്ടു കുട്ടികളും ബന്ധുക്കളാണ്.
