കൊല്ക്കൊത്ത: ബംഗാളില് സ്ഥിതിഗതികള് കൂടുതല് വഷളായാല് ക്രമസമാധാനപാലത്തിന് 356ാം വകുപ്പ് പ്രകാരം രാഷ്ട്രപതി ഭരണം വരെ ഏര്പ്പെടുത്തുന്നതിനെക്കുറിച്ച് ആലോചിക്കാമെന്ന് ബംഗാള് ഗവര്ണറുടെ റിപ്പോര്ട്ട്. വഖഫ് നിയമഭേദഗതിയില് പ്രതിഷേധിച്ച് മുര്ഷിദാബാദില് നടന്ന വര്ഗ്ഗീയ കലാപത്തില് 3 പേര് കൊല്ലപ്പെട്ടതിനെ തുടര്ന്നാണ് ഗവര്ണര് ആനന്ദബോസ് കേന്ദ്ര ആഭ്യന്ത്രരമന്ത്രാലയത്തിന് റിപ്പോര്ട്ട് നല്കിയത്.
തല്ക്കാല് കേന്ദ്രസേനകളെ കൂടുതലായി വിന്യസിച്ച് ക്രമസമാധാനം വീണ്ടെടുക്കാനാണ് ഗവര്ണര് നിര്ദേശിച്ചിരിക്കുന്നത്. എന്തായാലും കേന്ദ്ര ഇടപെടല് ശക്തിയാക്കേണ്ടതിനെക്കുറിച്ചും റിപ്പോര്ട്ട് ചൂണ്ടിക്കാട്ടുന്നു. 1952ലെ അന്വേഷണ നിയമപ്രകാരം മുര്ഷിദാബാദ് വര്ഗ്ഗീയ കലാപത്തെക്കുറിച്ച് അന്വേഷണിക്കണമെന്നും റിപ്പോര്ട്ടില് ഗവര്ണര് ചൂണ്ടിക്കാട്ടുന്നു.
ബംഗാളിലെ സ്ഥിഗതികളെക്കുറിച്ച് പഠിച്ച ശേഷമാണ് ഗവര്ണര് സി.വി. ആനന്ദബോസ് റിപ്പോര്ട്ട് നല്കിയത്. സാധാരണ രാഷ്ട്രപതി ഭരണം ഏര്പ്പെടുത്തുന്ന പരിപാടി പണ്ട് കോണ്ഗ്രസ് സര്ക്കാരുകളുടെ രീതിയായിരുന്നുവെന്ന് ബംഗാല് ബിജെപി നേതാവ് സുകാന്ത മജുംദാര് പറഞ്ഞു. വേറെ നിവൃത്തിയില്ലെങ്കില് മാത്രമേ ഇത്തരമൊരു വഴി സ്വീകരിക്കുന്നതില് ബിജെപിയ്ക്ക് തൃപ്തിയുള്ളൂ.- അദ്ദേഹം ചൂണ്ടിക്കാട്ടി.
