തിരുവനന്തപുരം: വിഴിഞ്ഞം വഴി പോകുന്ന ബോട്ട് തള്ളിയല്ലലോ തുറമുഖം ഉദ്ഘാടനം ചെയ്യേണ്ടത് എന്ന് കോണ്ഗ്രസിനെ പരിഹസിച്ച് മുഖ്യമന്ത്രി പിണറായി വിജയന്. നേരത്തെ കല്ലിട്ടതുകൊണ്ട് കാര്യം ഉണ്ടോയെന്നും അദ്ദേഹം ചോദിച്ചു. പതിറ്റാണ്ടായി തുടരുന്ന പ്രക്രിയയുടെ സാക്ഷാത്കാരമാണ് വിഴിഞ്ഞത്ത് നടക്കാന് പോകുന്നത്.
വിഴിഞ്ഞം തുറമുഖത്തിന് സര്ക്കാര് ചെയ്യേണ്ട കാര്യങ്ങള് ചെയ്തു.അവസാനത്തെ ഒമ്പതു വര്ഷം ഏറെ പ്രധാനപ്പെട്ടതാണ്. ഒരുപാട് തര്ക്കം നേരത്തെ ഉണ്ടായിരുന്നു. തര്ക്കത്തിന് പിന്നാലെ പോകാന് എല്ഡിഎഫ് തയാറായില്ലെന്നും മുഖ്യമന്ത്രി പറഞ്ഞു.
വിഴിഞ്ഞം തുറമുഖത്തിന്റെ ക്രെഡിറ്റിനെ ചൊല്ലി തര്ക്കം വേണ്ട. ഈ നാടിനാകെ അതിന്റെ ക്രെഡിറ്റ് ഉണ്ടെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു. പ്രതിപക്ഷ നേതാവിനെ വിഴിഞ്ഞം തുറമുഖ കമ്മീഷന് ചെയ്യുന്ന ചടങ്ങിലേക്ക് വീണ്ടും സ്വാഗതം ചെയ്യുകയാണ്.
ബിജെപി സംസ്ഥാന അധ്യക്ഷനെ ചടങ്ങിലേക്ക് ക്ഷണിച്ചത് കേന്ദ്ര നിര്ദേശ പ്രകാരമാണ്. കുടുംബാംഗങ്ങള്ക്കൊപ്പം വിഴിഞ്ഞം തുറമുഖം സന്ദര്ശിച്ചതിനെയും മുഖ്യമന്ത്രി ന്യായീകരിച്ചു. കുടുംബത്തിനൊപ്പം വിഴിഞ്ഞം സന്ദര്ശിച്ചത് സ്വാഭാവികമാണ്. കൊച്ചുമകന് ചെറുതാകുമ്പോള് തന്നെ തനിക്കൊപ്പം പല പരിപാടികളില് വന്നിരുന്നു. താന് എടുത്തുകൊണ്ട് നടന്നിരുന്നു. വിഴിഞ്ഞത്തെ ഔദ്യോഗിക യോഗത്തില് കുടുംബം പങ്കെടുത്തിട്ടില്ല.
