തിരുവനന്തപുരം: സാമൂഹ്യ സുരക്ഷാ പെന്ഷന് വീടുകളില് എത്തിക്കുന്നതിന് തുക നല്കേണ്ടതില്ലെന്ന് സര്ക്കാര് വ്യക്തമാക്കി. പെന്ഷന് വിതരണത്തിനായി സഹകരണ സംഘങ്ങള്ക്ക് ഓരോ ഗുണഭോക്താവിനും 30 രൂപ എന്ന നിരക്കില് ഇന്സെന്റീവ് അനുവദിക്കുന്നുണ്ട്. അതിനാല് ഗുണഭോക്താക്കള് ഒരു തുകയും നല്കേണ്ടതില്ല. സഹകരണ സംഘങ്ങളുമായി ബന്ധപ്പെട്ടവരാണ് തുക വീട്ടിലെത്തിച്ചുകൊടുക്കാന് ബാധ്യസ്ഥര്. എന്നാല് തങ്ങളാണ് ഇത് നല്കുന്നതെന്നു കാണിക്കാന് മിക്കയിടങ്ങളിലും സിപിഎം ബ്രാഞ്ച് സെക്രട്ടറിമാരോ അനുയായികളോ ആണ് സഹകരണബാങ്കുകളില് നിന്ന് സാമൂഹ്യസുരക്ഷാ പെന്ഷന് സമാഹരിച്ച് ഗുണഭോക്താക്കള്ക്ക് വിതരണം ചെയ്യുന്നത്. ഇതിന്റെ ചെലവിനത്തില് എന്ന നിലയ്ക്ക്് ഒരു തുക ചില ഇടനിലക്കാര് പറ്റുന്നുമുണ്ട്. ഈ സാഹചര്യത്തിലാണ് വിതരണക്കാര്ക്ക് ഗുണഭോക്താക്കള് അധികമായി യാതൊരു തുകയും നല്കേണ്ടതില്ലെന്ന് തദ്ദേശ സ്വയംഭരണ വകുപ്പിന് പ്രത്യേകം അറിയിക്കേണ്ടിവന്നത്.
പ്രതികരിക്കാൻ ഇവിടെ എഴുതുക: