തിരുവനന്തപുരം: ഫ്രാൻസിസ് മാർപാപ്പയുടെ വിയോഗത്തിൽ ദുഃഖം രേഖപ്പെടുത്തി കേന്ദ്ര മന്ത്രി ജോർജ് കുര്യൻ. എല്ലാ മനുഷ്യരെയും സ്നേഹിക്കുകയും എല്ലാ മതങ്ങളെയും ബഹുമാനിക്കുകയും ചെയ്ത ഒരു വലിയ മനസ്സിന്റെ ഉടമയായിരുന്നു മാർപാപ്പ പോപ്പ് ഫ്രാൻസിസ്. അദ്ദേഹത്തിന്റെ വിയോഗം വളരെ ദുഃഖകരവും നഷ്ടബോധം ഉണ്ടാകുന്നതുമാണ്.
ലോകത്തിലെ മുഴുവൻ വിശ്വാസികളോടൊപ്പം അദ്ദേഹത്തിന്റെ വിയോഗത്തിൽ ദുഃഖം പങ്കിടുന്നുവെന്ന് ജോർജ് കുര്യൻ അനുശോചിച്ചു. ഫ്രാൻസിസ് മാർപാപ്പയുടെ വിയോഗം ആഗോള സമൂഹത്തിന് ഒരു വലിയ നഷ്ടമെന്ന് ജോർജ് കുര്യൻ എക്സിൽ കുറിച്ചു. അദ്ദേഹത്തിന്റെ സേവനത്തിന്റെയും, കാരുണ്യത്തിന്റെയും, വിശ്വാസത്തിന്റെയും ജീവിതം ദശലക്ഷക്കണക്കിന് ആളുകളെ സ്പർശിച്ചു.
ഈ വലിയ നഷ്ടത്തിൽ ദുഃഖിക്കുന്ന എല്ലാവർക്കും ഹൃദയംഗമമായ അനുശോചിക്കുന്നുവെന്നും എക്സിൽ പറഞ്ഞു.
