തിരുവനന്തപുരം: ജന്മഭൂമി സുവര്‍ണ ജൂബിലി ആഘോഷങ്ങളോടനുബന്ധിച്ചുള്ള വിദ്യാഭ്യാസ കോണ്‍ക്ലേവ് 19ന് സംഘടിപ്പിക്കും.
രാവിലെ 10 മുതല്‍ ഉച്ചയ്‌ക്ക് ഒരു മണി വരെ ശംഖുംമുഖം ഉദയ സ്യൂട്ടില്‍ നടക്കുന്ന കോണ്‍ക്ലേവ് നാഷണല്‍ എജ്യൂക്കേഷണല്‍ ടെക്‌നോളജി ഫോറം അധ്യക്ഷനും നാക്, എന്‍ബിഎ എന്നിവയുടെ മുന്‍ അധ്യക്ഷനുമായ ഡോ. അനില്‍ സഹസ്രബുദ്ധേ ഉദ്ഘാടനം ചെയ്യും.
ജന്മഭൂമി ഡയറക്ടര്‍ ബോര്‍ഡംഗം ടി. ജയചന്ദ്രന്‍ അധ്യക്ഷത വഹിക്കും. ആരോഗ്യ സര്‍വകലാശാലാ വിസി ഡോ. മോഹനന്‍ കുന്നുമ്മേല്‍, കേരള യൂണിവേഴ്‌സിറ്റി അസിസ്റ്റന്റ് പ്രൊഫ. ആര്‍.എസ്. വിജയ്, ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍, എപിജെ അബ്ദുള്‍ കലാം ടെക്‌നോളജിക്കല്‍ യൂണിവേഴ്‌സിറ്റി വൈസ് ചാന്‍സലര്‍ ഡോ. കെ. ശിവപ്രസാദ് തുടങ്ങിയവര്‍ പ്രസംഗിക്കും. വികസിത ഭാരതത്തില്‍ ദേശീയ വിദ്യാഭ്യാസ നയത്തിന്റെ പ്രസക്തി എന്ന വിഷയത്തില്‍ ഉച്ചയ്‌ക്ക് 11.40 മുതല്‍ അനില്‍ സഹസ്രബുദ്ധേയുടെ നേതൃത്വത്തില്‍ ചര്‍ച്ചകളും സംവാദങ്ങളും നടക്കും. കോണ്‍ക്ലേവില്‍ സ്വാശ്രയ മേഖലയിലെ അന്‍പതോളം വിദ്യാഭ്യാസ സ്ഥാപനങ്ങള്‍ പങ്കെടുക്കും.
പ്രതികരിക്കാൻ ഇവിടെ എഴുതുക: