മുംബൈ: ഡോളറിനെതിരെ തിങ്കളാഴ്ച രാവിലെ ഒമ്പത് പൈസയോളം കയറി ഇന്ത്യന് രൂപ. ഒരു ഡോളറിന് 87 രൂപ 28 പൈസ എന്നതായിരുന്നു രാവിലത്തെ സ്ഥിതി.
അമേരിക്കന് കറന്സിയായ ഡോളറിന്റെ സൂചിക ഉയര്ന്ന തലങ്ങളില് നിന്നും താഴ്ന്നതാണ് ഇതിന് കാരണം. ഇന്ത്യയുടെ സ്ഥൂല സാമ്പത്തിക കണക്കുകള് മെച്ചപ്പെട്ടതും ഇതിന് ഒരു കാരണമായി പറയുന്നു. ഇന്ത്യയുടെ മൊത്ത ആഭ്യന്തര ഉല്പാദനം (ജിഡിപി), വിദേശനാണ്യശേഖരം, ഉപഭോക്തൃവിലസൂചിക എന്നിവയിലെ പുരോഗതിയാണ് ഇന്ത്യന് രൂപയുടെ നില അല്പം മെച്ചപ്പെടാന് കാരണമായത്. ഇന്ത്യയുടെ ജിഡിപി 6.5 ശതമാനമായി ഉയരുമെന്ന് ഐഎംഎഫ് ഈയിടെ പ്രസിദ്ധീകരിച്ച കണക്കുകളില് പറയുന്നു.
2024 ഒക്ടോബര്-ഡിസംബര് സാമ്പത്തിക പാദത്തിലെ സാമ്പത്തിക വളര്ച്ച 6.2 ശതമാനമായി ഉയര്ന്നതായി കഴിഞ്ഞ ദിവസം കണക്കുകള് പുറത്തുവന്നിരുന്നു. കഴിഞ്ഞ ഏഴ് സാമ്പത്തിക ത്രൈമാസപാദങ്ങളുടെ വളര്ച്ച മന്ദീഭവിച്ചതിന് ശേഷമാണ് 2024 ഒക്ടോബര്-ഡിസംബര് പാദത്തിലെ കുതിപ്പ്. ഇതോടെ ഇന്ത്യന് ഓഹരി വിപണിയില് നിന്നും വിദേശ നിക്ഷേപകസ്ഥാപനങ്ങള് അവരുടെ നിക്ഷേപം വന്തോതില് പിന്വലിക്കുന്ന പ്രവണത ഇല്ലാതാകുമെന്നും കരുതുന്നു. ഫെബ്രുവരി 28 വെള്ളിയാഴ്ച ഇന്ത്യന് ഓഹരി വിപണിയില് നിന്നും വിദേശ നിക്ഷേപക സ്ഥാപനങ്ങള് 11,639 കോടി രൂപ പിന്വലിച്ചിരുന്നു. അതേ സമയം ഇന്ത്യയുടെ വിദേശനാണ്യ ശേഖരം 64000 കോടി ഡോളര് ആയി ഉയര്ന്നിട്ടുണ്ട്.
അസംസ്കൃത എണ്ണവില അല്പം കുറഞ്ഞതും കയറ്റുമതിക്കാര് ഡോളര് വിപണിയില് ഇറക്കിയതും ആണ മറ്റൊരു അനുകൂലഘടകം.
1000 കോടി ഡോളറിന്റെ യുഎസ് ഡോളര്-രൂപ കൈമാറ്റ ലേലം നടത്തി ആര്ബിഐ
അസംസ്കൃത എണ്ണവില അല്പം കുറഞ്ഞതും കയറ്റുമതിക്കാര് ഡോളര് വിപണിയില് ഇറക്കിയതും ആണ മറ്റൊരു അനുകൂലഘടകം. ഇതിന് പുറമെ റിസര്വ്വ് ബാങ്ക് തിങ്കളാഴ്ച ചില ഇടപെടലുകള് നടത്തിയിരുന്നു. ഒരു ഇടവേളയ്ക്ക് ശേഷം വന്തുക യുഎസ്ഡോളര്-രൂപ കൈമാറ്റ ലേലത്തിന് നീക്കിവെച്ച് റിസര്വ്വ് ബാങ്ക്. ഫെബ്രുവരി 28ന് ഏകദേശം 1000 കോടി ഡോളറോളമാണ് യുഎസ്ഡോളര്-രൂപ കൈമാറ്റ ലേലത്തിന് റിസര്വ്വ് ബാങ്ക് നീക്കിവെച്ചത്. സമ്പദ് ഘടനയില് ദീര്ഘകാലത്തേക്ക് പണലഭ്യത കൂട്ടാനായിരുന്നു ഇത്. ഇതിന്റെ ഫലം പക്ഷെ തിങ്കളാഴ്ചയാണ് തിരിച്ചുകിട്ടിത്തുടങ്ങിയത് എന്ന് കരുതുന്നു.
