ടെക്സാസ്: സ്വകാര്യ സ്ഥാപനമായ ഫയര്ഫ്ളൈ എയ്റോസ്പേസിന്റെ ബ്ലൂ ഗോസ്റ്റ് പേടകം വിജയകരമായി ചന്ദ്രനിലിറങ്ങി. സ്വകാര്യ ബഹിരാകാശ ഗവേഷണ രംഗത്തെ നാഴികക്കല്ലെന്ന് വിശേഷിപ്പിക്കുന്ന നേട്ടമാണിത്. ദൗത്യം വിജയകരമായിരുന്നുവെന്ന് ഫയര്ഫ്ളൈ മിഷന് കണ്ട്രോള് സ്ഥിരീകരിച്ചു. ഞങ്ങള് ചന്ദ്രനിലെത്തി, എന്നായിരുന്നു ഫയര്ഫ്ളൈയുടെ വാക്കുകള്.
പേടകം വിജയകരമായി ചന്ദ്രോപരിതലത്തില് ഇറക്കുന്ന രണ്ടാമത്തെ സ്വകാര്യ കമ്പനിയാണ് ഫര്ഫ്ളൈ. 2024 ഫെബ്രുവരിയില് അമേരിക്കന് എയ്റോസ്പേസ് കമ്പനിയായ ഇന്റ്യൂറ്റീവ് മെഷീന്സ് ഈ നേട്ടം കൈവരിച്ചിരുന്നു.
ചന്ദ്രനിലേക്കുള്ള 45 ദിവസത്തെ യാത്രയ്ക്കിടെ ഭൂമിയുടെയും ചന്ദ്രന്റെയും ചിത്രങ്ങള് ബ്ലൂ ഗോസ്റ്റ് അയച്ചിരുന്നു. രണ്ടു മീറ്റര് ഉയരമുള്ള ലാന്ഡര് മാര്ച്ച് ആദ്യം ചന്ദ്രനിലെ വടക്കന് അക്ഷാംശങ്ങളിലെ മാരേ ക്രിസിയത്തിലാണ് ഇറങ്ങിയത്. നാസയ്ക്ക് വേണ്ടി പത്തു പരീക്ഷണ ദൗത്യങ്ങളാണ് ഫയര്ഫ്ളൈ ലക്ഷ്യമിടുന്നത്. മറ്റ് ഗ്രഹങ്ങളില് നിന്നു സാമ്പിളുകള് ശേഖരിക്കുന്നതിനായി വികസിപ്പിച്ച പ്ലാനറ്റ് വാക്ക് (എല്പിവി) എന്ന ഉപകരണത്തിന്റെ പരീക്ഷണമാണ് പ്രധാനം.
ഹൈ ടെക്ക് വാക്വം ക്ലീനറാണ് എല്പിവി. മര്ദ്ദം ഉപയോഗിച്ച് വാതകം പുറത്തേക്ക് വിട്ട് ഗ്രഹങ്ങളുടെ ഉപരിതലത്തിലെ മണ്ണ് ഇളക്കി ഉയര്ത്തും. ഒരു ചെറിയ ചുഴലിക്കാറ്റ് പോലെ അന്തരീക്ഷത്തിലേക്ക് ഉയരുന്ന മണ്ണും കല്ലും വാക്വം ഉപയോഗിച്ച് കണ്ടെയ്നറിലേക്ക് വലിച്ചെടുക്കുകയുമാണ് ഇത് ചെയ്യുക. ഒരു സെന്റീമീറ്റര് വലിപ്പമുള്ള വസ്തുക്കള് വരെ ശേഖരിക്കാനാവും. എല്പിവി ഉള്പ്പടെ ഏഴ് ശാസ്ത്രീയ ഉപകരണങ്ങളാണ് ഫയര്ഫ്ളൈ ബ്ലൂ ഗോസ്റ്റ് ലാന്ഡറില് ഉള്ളത്.
