ലക്നൗ : പ്രയാഗ് രാജിലെ മഹാകുംഭമേളയ്ക്കായി മികച്ച ക്രമീകരണങ്ങൾ നടത്തിയ യുപി മുഖ്യമന്ത്രി യോഗി ആദിത്യനാഥിനെ അഭിനന്ദിച്ച് ശ്രീ ശ്രീ രവിശങ്കർ . ദശലക്ഷക്കണക്കിന് ഭക്തർക്ക് സുഗമമായ ആത്മീയാനുഭവം ഉറപ്പാക്കിയത് സംസ്ഥാന- കേന്ദ്ര സർക്കാരുകളുടെ ശ്രമങ്ങൾ മൂലമാണ് . മതപരമായ ഒത്തുചേരലിൽ പങ്കെടുക്കുമ്പോൾ ആളുകൾ തിരക്കുകൂട്ടരുതെന്നും നിയമങ്ങൾ പാലിക്കണമെന്നും അദ്ദേഹം അഭ്യർത്ഥിച്ചു.
‘ ഞങ്ങൾ ഇവിടെ പ്രയാഗ്രാജിലാണ്. കേന്ദ്ര സർക്കാരും ഉത്തർപ്രദേശ് ഭരണകൂടവും എല്ലാ ക്രമീകരണങ്ങളും വളരെ സുഗമമായി നടത്തിയിട്ടുണ്ട് . യോഗി ആദിത്യനാഥിന്റെ സമർപ്പണവും കഠിനാധ്വാനവും മൂലമാണ് കുംഭമേള വൻ വിജയമായത്. ലക്ഷക്കണക്കിന് ഭക്തർ തടസ്സങ്ങളില്ലാതെ ആരാധനയിൽ ഏർപ്പെടുന്നു. മതപാരമ്പര്യങ്ങൾ സംരക്ഷിക്കാൻ സർക്കാരും ഭരണകൂടവും സജീവമായി പ്രവർത്തിക്കുന്നുണ്ട് .
ആചാരങ്ങൾ അനുഷ്ഠിക്കുമ്പോൾ തിടുക്കം ഒഴിവാക്കണമെന്നും പുണ്യസ്നാന സമയത്ത് കുംഭമേളയുടെ ആത്മീയ സത്ത പൂർണ്ണമായി ഉൾക്കൊള്ളാൻ സമയം ചെലവഴിക്കണമെന്നും അദ്ദേഹം പറഞ്ഞു.
