സ്വീഡന്‍ : ഖുര്‍ആന്‍ കത്തിച്ച കേസില്‍ സ്വീഡിഷ് കോടതി വിധി പറയുന്നതിന് മണിക്കൂറുകള്‍ക്കു മുന്‍പ് പ്രതിയായ ഇറാഖ് പൗരന്‍ സല്‍മാന്‍ മോമിക വീടിനുള്ളില്‍ വെടിയേറ്റ് മരിച്ച സംഭവത്തില്‍ അഞ്ചുപേര്‍ അറസ്റ്റിലായി. ഖുറാന്‍ കത്തിച്ചതും മുസ്ലീം സമുദായത്തെ വിമര്‍ശിച്ചതുമടക്കം മോമികയ്‌ക്കും കൂട്ടു പ്രതി നജെമിനും എതിരെ നാല് കേസുകള്‍ സ്വീഡിഷ് സര്‍ക്കാര്‍ റെജിസ്റ്റര്‍ ചെയ്തിരുന്നു. മോമികയുടെ വധത്തെത്തുടര്‍ന്ന് കേസ് നീട്ടിവച്ചു. അതേസമയം കൊലയാളികളുടെ പട്ടികയില്‍ അടുത്തത് താനാണെന്ന് നജെം എക്‌സില്‍ കുറിച്ചതു. തനിക്ക് വധ ഭീഷണിയുണ്ടെന്നും ഇയാള്‍ മാധ്യമങ്ങളോട് പറഞ്ഞിരുന്നു. സംഭവത്തില്‍ വിദേശ ശക്തികളുടെ കൈകളുണ്ടെന്ന് പ്രധാനമന്ത്രി ഉള്‍ഫ് ക്രിസ്റ്റര്‍ സണ്‍ ആരോപിച്ചു.
ഇറാഖ് അഭയാര്‍ത്ഥിയായ സാല്‍വാന്‍ മോമികയെ സ്‌റ്റോക്ക്‌ഹോമിലെ വീട്ടിലാണ് കൊല്ലപ്പെട്ട നിലയില്‍ കണ്ടെത്തിയത് . പലവട്ടം പരസ്യമായി ഖുര്‍ആന്‍ കത്തിച്ചാണ് ഇയാള്‍ വാര്‍ത്തയില്‍ ഇടം നേടിയതും കേസില്‍ പെട്ടതും.2023 ല്‍ നാടുകടത്താന്‍തീരുമാനിച്ചെങ്കിലും ഇറാഖില്‍ ക്രൂര പീഡനങ്ങള്‍ നേരിടാന്‍ സാധ്യതയുണ്ടെന്നതിനാല്‍ അഭയാര്‍ത്ഥിയായി തുടരാന്‍ സ്വീഡിഷ് സര്‍ക്കാര്‍ അനുവദിക്കുകയായിരുന്നു.
ഖുര്‍ആന്‍ കത്തിച്ച കേസിലെ പ്രതി മോമിക കൊല്ലപ്പെട്ട സംഭവത്തില്‍ അഞ്ചുപേര്‍ അറസ്റ്റില്‍
അടുത്ത വെടി തനിക്കുനേരെയെന്ന് കൂട്ടു പ്രതി നജെം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.