ന്യൂദല്ഹി: നൂറ്റാണ്ടുകളായി ഭാരതീയ സംസ്കാരത്തില് വീണുപോകാതെ നിലനിന്ന കുംഭമേള എന്ന ആത്മീയ നിര്മ്മിതിയ്ക്ക് മുന്പില് വിനീതവിധേയനായി തല താഴ്ത്തുന്നുവെന്ന് അദാനിഗ്രൂപ്പ് ചെയര്മാന് ഗൗതം അദാനി. അദ്ദേഹം ലിങ്ക് ഡ് ഇന് എന്ന സമൂഹമാധ്യമത്തിലെ പേജില് പങ്കുവെച്ച കുറിപ്പിലാണ് കുംഭമേളയെക്കുറിച്ച് പരാമര്ശിച്ചിരിക്കുന്നത്.
മനുഷ്യസംഗമങ്ങളുടെ വലിയ ഭൂവിഭാഗത്തില് കുംഭമേളയെപ്പോലെ താരതമ്യം ചെയ്യാന് മറ്റൊന്നില്ല. ഓരോ തവണ കുംഭമേളയെക്കുറിച്ച് പറയുമ്പോഴും നമ്മുടെ പൂര്വ്വികരുടെ ആ ഭാവനയ്ക്ക് കാഴ്ചപ്പാടിന് മുന്പില് വിനീതവിധേയനായി തലകുനിക്കാനേ എനിക്ക് സാധിക്കൂകയുള്ളൂ.- അദാനി എഴുതുന്നു.
തുറമുഖവും വിമാനത്താവളവും ഊര്ജ്ജശൃംഖലകളും പണിതിട്ടുള്ള എനിക്ക് പക്ഷെ ഈ ആത്മീയ നിര്മ്മിതിയുടെ മനോഹരമായ ആവിഷ്കാരത്തിന് മുന്പില് ഞാന് അമ്പരന്നുപോകുന്നുവെന്നും അദാനി കുറിച്ചു. “അമേരിക്കയിലെ ഹാര്വാഡ് ബിസിനസ് സ്കൂള് കുംഭമേളയെപ്പറ്റി പഠിച്ചപ്പോള് അത്ഭുതം കൂറിയത് അതിന് പിന്നിലെ മനുഷ്യരുടെയും വിഭവങ്ങളുടെയും സാമഗ്രികളുടെയും പോക്ക് വരവിന്റെ സങ്കീര്ണ്ണതയും കൃത്യതയും കണ്ടാണ്. പക്ഷെ ഒരു ഭാരതീയന് എന്ന നിലയ്ക്ക് ഇക്കാര്യം കുറെക്കൂടി ആഴത്തില് കാണാനാണ് ഞാന് ശ്രമിക്കുന്നത്. മഹാകുംഭമേളയ്ക്ക് പിന്നിലെ അനശ്വര തത്വത്തെക്കുറിച്ചാണ് ഞാന് അത്ഭുതപ്പെടുന്നത്. അതിനെ ആലിംഗനം ചെയ്യാനാണ് അദാനി ബിസിനസ് ഗ്രൂപ്പ് ശ്രമിക്കുന്നത്.” – അദാനി കുറിയ്ക്കുന്നു.
