ആലപ്പുഴ : കായംകുളത്ത് സിപിഎം, കോണ്ഗ്രസ് പ്രവര്ത്തകരുള്പ്പെടെ 200 ല് ഏറെ പേര് ബി ജെ പിയില് ചേര്ന്നു.60 ഓളം സി പി എം പ്രവര്ത്തകരും 27 കോണ്ഗ്രസ് പ്രവര്ത്തകരുമാണ് ബി ജെ പിയില് ചേര്ന്നത്.
ബി ജെ പി സംസ്ഥാന അധ്യക്ഷന് കെ സുരേന്ദ്രനും ഉപാധ്യക്ഷ ശോഭാസുരേന്ദ്രനും ചേര്ന്ന് പ്രവര്ത്തകരെ സ്വീകരിച്ചു.
്അതിനിടെ മുന് മന്ത്രി ജി സുധാകരനെ കെ സുരേന്ദ്രന് പുകഴ്ത്തി.മന്ത്രിയായിരിക്കുമ്പോഴും ജനപ്രതിനിധി ആയിരിക്കുമ്പോഴും എങ്ങനെ മാതൃകാപരമായി പ്രവര്ത്തിക്കാമെന്ന് തെളിയിച്ചിട്ടുള്ളയാളാണ് ജി സുധാകരനെന്നും കമ്യൂണിസ്റ്റായി എന്ന കാരണം കൊണ്ട് സത്യത്തെ നിഷേധിക്കുന്നില്ല എന്നും അദ്ദേഹം ചൂണ്ടിക്കാട്ടി.
അഴിമതി നടത്താത്ത ഒരു മന്ത്രിയായിരുന്നു ജി സുധാകരന്. അദ്ദേഹം പൊതുമരാമത്ത് മന്ത്രിയായിരുന്നപ്പോള് വകുപ്പില് അഴിമതി നടത്തുന്ന കരാറുകാരെ മന്ത്രിയെന്ന നിലയില് എങ്ങനെ നേരിട്ടുവെന്ന് അറിയാം. അങ്ങനെയുളള സുധാകരന് ഇന്നൊരു കറിവേപ്പിലയുടെ വില പോലും കമ്യൂണിസ്റ്റ് പാര്ട്ടിയിലില്ല. സുരേഷ് കുറുപ്പിനെ പാര്ട്ടി അവഗണിച്ചതിനെ തുടര്ന്ന് അദ്ദേഹത്തിന് പൊതുപ്രവര്ത്തനം പോലും നിര്ത്തേണ്ടി വന്നുവെന്നും കെ സുരേന്ദ്രന് പറഞ്ഞു.
