കോട്ടയം: കോട്ടയം ജില്ലയില് 21 വില്ലേജുകളില് ഡിജിറ്റല് റീസര്വേ ആരംഭിച്ചു. 31നു മുന്പ് സര്വ്വേ പൂര്ത്തിയാക്കാനാണ് ലക്ഷ്യമിട്ടിരിക്കുന്നത്. പാലാ, വൈക്കും, ചങ്ങനാശ്ശേരി, കോട്ടയം താലൂക്കുകളിലെ വില്ലേജുകളിലാണ് ആദ്യഘട്ടത്തില് ഡിജിറ്റല് റീസര്വേ പൂര്ത്തിയാക്കുക. ഇതില് വൈക്കം താലൂക്കിലെ 9 വില്ലേജുകളില് പൂര്ത്തിയായി. ഇതില് സ്ഥലമുടമകള്ക്ക് പരാതി നല്കാനും കഴിയും. ജനങ്ങളുടെ ആശങ്ക പരിഹരിക്കാന് ഓരോ വാര്ഡിലും സ്ഥലമുടമകളെ വിളിച്ചുചേര്ത്ത് സര്വേ സഭ നടത്തുന്നുമുണ്ട് . സംശയങ്ങള് തീര്ക്കുന്നതിന് സംസ്ഥാനതലത്തില് കോള് സെന്ററും തുടങ്ങിയിട്ടുണ്ട്. 1800 4255 080 എന്നതാണ് ടോള്ഫ്രീ നമ്പര്. ഭൂമി സംബന്ധമായ രേഖകള് ലഭ്യമാക്കാന് ഓഫീസുകള് കയറിയിറങ്ങുന്നത് ഒഴിവാക്കാന് കഴിയുമെന്നതാണ് ഡിജിറ്റല് സര്വേയുടെ ആത്യന്തിക ഫലം. എന്റെ ഭൂമി ഓണ്ലൈന് പോര്ട്ടലിലൂടെ രേഖകള് ലഭ്യമാകും.
