തിരുവനന്തപുരം: സെക്രട്ടേറിയറ്റില് വീണ്ടും പാമ്പിനെ കണ്ടെത്തിയത് പരിഭ്രാന്തി പരത്തി. ചൊവ്വാഴ്ച രണ്ട് തവണയാണ് പാമ്പിനെ കണ്ടത്.
കഴിഞ്ഞ ദിവസം പാമ്പിനെ കണ്ട ജലവിഭവ വകുപ്പ് ഓഫീസിന് സമീപമാണ് ഇന്ന് വീണ്ടും പാമ്പിനെ കണ്ടത്. രാവിലെ പത്തരയോടെ ഒരു പാമ്പിനെ ജീവനക്കാര് അടിച്ച് കൊന്നു. ഇതിന് പിന്നാലെയാണ് വീണ്ടും പാമ്പിനെ കണ്ടെത്തിയത്. ഇപ്രാവശ്യം വനം വകുപ്പ് ജീവനക്കാരെത്തി പാമ്പിനെ പിടിച്ചു.
രണ്ട് ദിവസം മുമ്പ് ജലവിഭവ വകുപ്പ് ഓഫീസിന് സമീപം പാമ്പിനെ കണ്ടിരുന്നു. വാഷ് ബെയ്സിന് സമീപത്തെ പടിയിലാണ് പാമ്പുണ്ടായിരുന്നത്. ജീവനക്കാര് പാമ്പിനെ പിടിക്കാന് ശ്രമിച്ചുവെങ്കിലും ഫലമുണ്ടായില്ല.
