കൊട്ടേക്കാട് : കൊട്ടേക്കാട് പള്ളിക്ക് സമീപം ഓടിക്കൊണ്ടിരുന്ന സ്കൂട്ടറിന് തീപിടിച്ച് പൊള്ളലേറ്റ് ചികിത്സയിലായിരുന്ന യുവാവ് മരിച്ചു.
പേരാമംഗലം സ്വദേശി മുളവനം കവിയത്ത് വീട്ടില് ഉദയന്റെ മകന് വിഷ്ണു (25) ആണ് മരിച്ചത്.സ്കൂട്ടര് പൂര്ണമായും കത്തി നശിച്ചു. അഗ്നിരക്ഷാ സേന എത്തിയാണ് തീയണച്ചത്.
സ്കൂട്ടര് മറിഞ്ഞ് വീണപ്പോള് പെട്രോള് പുറത്തേക്ക് ഒഴുകി സ്ക്കൂട്ടറില് പടര്ന്നിരുന്നു. മറിഞ്ഞ സ്കൂട്ടര് പൊക്കി സ്റ്റാര്ട്ട് ചെയ്തപ്പോള് തീ ആളിപടരുകയായിരുന്നു. പൊള്ളലേറ്റ യുവാവ് മെഡിക്കല് കോളേജ് ആശുപത്രിയില് ചികിത്സയിലായിരുന്നു.
