വിവാഹ അഭ്യര്‍ത്ഥന നിരസിച്ച പെണ്‍കുട്ടിയുടെ പിതാവിനെ യുവാവ് തലയ്‌ക്ക് അടിച്ചു കൊലപ്പെടുത്തി

തിരുവനന്തപുരം: വിവാഹ അഭ്യര്‍ത്ഥന നിരസിച്ചതിന് പെണ്‍കുട്ടിയുടെ അച്ഛനെ യുവാവ് തലയ്‌ക്ക് അടിച്ചു കൊന്നു.കിളിമാനൂരില്‍ ആണ് സംഭവം.

ചികിത്സയിലിരുന്ന കിളിമാനൂര്‍ സ്വദേശി ബിജു (40) ആണ് മരിച്ചത്.സംഭവത്തില്‍ കൊല്ലം മടത്തറ സ്വദേശിയായ പ്രതി രാജീവിനെ പൊലീസ് നേരത്തെ അറസ്റ്റ് ചെയ്തിരുന്നു.

ഇക്കഴിഞ്ഞ 17 ന് രാത്രിയാണ് ഇയാള്‍ ബിജുവിനെ ആക്രമിച്ചത്. വിവാഹാഭ്യര്‍ത്ഥന നിരസിച്ചതിലുളള വൈരാഗ്യമാണ് മര്‍ദനത്തിന് കാരണം.ആക്രമണത്തിനിടെ നിലത്ത് വീണ ബിജുവിനെ യുവാവ് പാറക്കല്ല് ഉപയോഗിച്ച് തലക്ക് അടിക്കുകയായിരുന്നു.