തിരുവനന്തപുരം: സംസ്ഥാന സെക്രട്ടേറിയറ്റില് ജീവനക്കാര് ഹാജര് ബുക്കില് ഒപ്പിടേണ്ടന്ന് പൊതുഭരണ വകുപ്പിന്റെ ഉത്തരവ്. ബയോ മെട്രിക് പഞ്ചിംഗ് പൂര്ണമായും നടപ്പാക്കിയ സാഹചര്യത്തിലാണിത്.ഹാജര് ബുക്ക് ഒഴിവാക്കി.
അഡീഷണല് ചീഫ് സെക്രട്ടറി കെ.ആര്. ജ്യോതിലാലാണ് സെക്രട്ടേറിയറ്റില് ഹാജര് ബുക്ക് ഒഴിവാക്കി ഉത്തരവ് പുറപ്പെടുവിച്ചത്.പഞ്ചിംഗ് സംവിധാനം പൂര്ണമായും നടപ്പിലാക്കിയതിനാല് അതോടൊപ്പം തുടര്ന്നു വരുന്ന ഹാജര് പുസ്തകത്തില് ഹാജര് രേഖപ്പെടുത്തുന്ന രീതി വേണ്ടതില്ലെന്നാണ് ഉത്തരവില് പറയുന്നത്.
എന്നാല് ബയോമെട്രിക്ക് പഞ്ചിംഗ് സംവിധാനത്തില് നിന്നും ഒഴിവാക്കപ്പെട്ടിട്ടുള്ള ഉദ്യോഗസ്ഥര് തുടര്ന്നും ഹാജര് ബുക്കില് തന്നെ ഹാജര് രേഖപ്പെടുത്തേണ്ടതാണ്. ബന്ധപ്പെട്ട മേലധികാരികള് അത് ഉറപ്പ് വരുത്തേണ്ടതുമാണെന്നും ഉത്തരവില് പറയുന്നു.
