കൊച്ചി: കോതമംഗലം കുട്ടമ്പുഴയില്‍ അട്ടിക്കളത്ത് വനത്തില്‍ പ്രവേശിച്ച മൂന്ന് സ്ത്രീകളെ കാണാതായി. വനത്തില്‍ മേയാന്‍ പോയ പശുക്കളെ തെരഞ്ഞാണ് സ്ത്രീകള്‍ പോയത്.
ഉച്ചയോടെയാണ് സ്ത്രീകള്‍ വനത്തിലേക്ക് പോയത്. പശുക്കളെ വളര്‍ത്തി ഉപജീവനം നട്ത്തുന്നവരാണ് ഇവര്‍.
തിരിച്ചെത്താത്തതിനെ തുടര്‍ന്ന് തെരച്ചില്‍ തുടരുകയാണ്. വനത്തില്‍ പൊലീസും അഗ്‌നി രക്ഷാ സേനയും, വനംവകുപ്പും നാട്ടുകാരും ചേര്‍ന്നാണ് തെരച്ചില്‍ നടത്തുന്നത്.
നിബിഡ വനമാണ്. വന്യമൃഗങ്ങളുളള കാടാണെന്ന് നാട്ടുകാര്‍ പറഞ്ഞു.
വൈകുന്നേരം നാല് മണി വരെ ഈ സ്ത്രീകളില്‍ ഒരാളുടെ ഫോണ്‍ പ്രവര്‍ത്തിച്ചിരുന്നു. ഇതിന് ശേഷം ഫോണില്‍ കിട്ടാതായി.
ഇവര്‍ക്ക് വനത്തില്‍ വഴി തെറ്റിയെന്നാണ് വിവരം. അതിനിടെ ഇവര്‍ തെരഞ്ഞ പശുക്കള്‍ തിരിച്ചെത്തിയെന്നും വാര്‍ത്തയുണ്ട്.
