ഭർത്താവിന്റെയും പ്രവർത്തകരുടെയും കഠിനാധ്വാനം ഫലം കണ്ടു : ഉപമുഖ്യന്റെ ഭാര്യയ്‌ക്കും ഇത് സന്തോഷദിനം

മുംബൈ : മഹാരാഷ്‌ട്ര നിയമസഭ തെരഞ്ഞെടുപ്പ് വിജയത്തിൽ ആഹ്ലാദം പ്രകടിപ്പിച്ച് ഉപമുഖ്യമന്ത്രി ദേവേന്ദ്ര ഫഡ്‌നാവിസിന്റെ ഭാര്യ അമൃത ഫഡ്‌നാവിസ്.

തെരഞ്ഞെടുപ്പ് ഫലത്തിൽ താൻ വളരെ സന്തുഷ്ടയാണ്. ഇത് അസാധാരണമാണ്. പാർട്ടിയുടെയും ദേവേന്ദ്ര ഫഡ്‌നാവിസിന്റെയും പാർട്ടിയിലെ എല്ലാ പ്രവർത്തകരുടെയും കഠിനാധ്വാനത്തിന് ഫലമുണ്ടായി. ഇപ്പോൾ സംഭവിച്ചതാണ് സംസ്ഥാനത്തിന് നല്ലതെന്നും അമൃത പറഞ്ഞു.

അതേ സമയം സഖ്യം ഒരുമിച്ച് തെരഞ്ഞെടുപ്പിൽ പോരാടിയതുപോലെ ശനിയാഴ്ച അന്തിമഫലം പ്രഖ്യാപിക്കുന്ന മുറയ്‌ക്ക് മുഖ്യമന്ത്രിയെ കൂട്ടായി തീരുമാനിക്കുമെന്ന് നിലവിലെ മുഖ്യമന്ത്രി ഏകനാഥ് ഷിൻഡെ പറഞ്ഞു.

അതേ സമയം മഹാരാഷ്‌ട്രയിലെ ജനങ്ങൾ മഹായുതിക്ക് അഭൂതപൂർവമായ വിജയമാണ് നൽകിയതെന്ന് മഹാരാഷ്‌ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് വ്യക്തമാക്കി.

കൂടാതെ മുഖ്യമന്ത്രി ഏകനാഥ് ഷിൻഡെ, ഉപമുഖ്യമന്ത്രി അജിത് പവാർ, രാംദാസ് അത്താവലെ എന്നിവരുടെ വിജയമാണിതെന്നും ഇത് ഐക്യത്തിന്റെ വിജയമാണെന്നും അദ്ദേഹം കൂട്ടിച്ചേർത്തു.