കോഴിക്കോട്: ഐ ലീഗ് 2024-25 സീസണ്‍ സ്‌ക്വാഡിനെ പ്രഖ്യാപിച്ച് ഗോകുലം കേരള എഫ് സി. സ്പാനിഷ് പരിശീലകന്‍ അന്റോണിയോ റൂയേഡക്ക് കീഴില്‍ കഴിഞ്ഞ മൂന്നു മാസമായി പരിശീലനം നടത്തിവരുന്ന ടീം മൂന്നാം ഐ ലീഗ് ട്രോഫിയും ഐ എസ് എല്‍ എന്‍ട്രിയൂമാണ് ലക്ഷ്യമിടുന്നത്.
ബാഴ്‌സലോണ ബി ടീം അംഗമായിരുന്ന സ്പാനിഷ് സ്ട്രൈക്കര് അബലേഡോ, സെര്‍ജിയോ, ഉറുഗ്യന്‍ താരം മാര്‍ട്ടിന്‍ ഷാവേസ്, മാലി സ്ട്രൈക്കര് അഡാമ എന്നീ വിദേശ താരങ്ങള്‍ക്കൊപ്പം പരിചയ സമ്പന്നരും യുവതാരങ്ങളും ഒത്തിണങ്ങിയ കൂട്ടമാണ് ഇത്തവണ ഗോകുലത്തില്‍ ഉള്‍പ്പെട്ട ഭാരത താരങ്ങള്‍. വി പി സുഹൈര്‍, മൈക്കിള്‍ സൂസെരാജ്, മഷൂര്‍ ഷെരീഫ്, സലാം രഞ്ജന്‍, ഗോള്‍ കീപ്പര്‍ ഷിബിന്‍ ഉള്‍പെടെയുള്ള പരിചയ സമ്പന്നര്‍ക്കൊപ്പം എമില്‍ ബെന്നി, രാഹുല്‍ രാജു, തര്‍പ്യൂയ, അതുല്‍, നിതിന്‍ തുടങ്ങിയുവ പ്രതിഭകളുമുണ്ട്. ആകെ 24 അംഗ ടീമില്‍ 11 മലയാളി താരങ്ങള്‍ ഉള്‍പ്പെടുന്നു.
സ്‌ക്വാഡ്
ഗോള്‍ കീപ്പര്‍മാര്‍: ഷിബിന്‍രാജ്, അവിലാഷ് പൗള്‍, ബിഷോര്‍ജിത്ത്
പ്രതിരോധക്കാര്‍: സലാം രഞ്ജന്‍ സിങ്, അതുല്‍, നിധിന്‍, അഖില്‍ പ്രവീണ്‍, രാഹുല്‍ ഗോഖര്‍, മഷൂര്‍ ഷെരീഫ്, ബിബിന്‍ അജയന്‍, സെബാസ്റ്റ്യന്‍
മദ്ധ്യനിര: റിഷാദ്, അഭിജിത്ത്, സെര്‍ജിയോ ലാമാസ്, രാഹുല്‍ രാജു, മാര്‍ട്ടിന്‍ ഷാവേസ്, രാംദിന്‍താര
സ്ട്രൈക്കര്‍മാര്‍: രണ്‍ജിത് സിംഗ്, എമില്‍ ബെന്നി, ആബേലഡോ, അഡാമ, വി.പി. സുഹൈര്‍, സെന്തമിഴ്, സൂസൈരാജ്‌
പ്രതികരിക്കാൻ ഇവിടെ എഴുതുക: