ടെഹ്റാന്‍ : ചൈന നിര്‍മ്മിച്ച തോളില്‍ തൂക്കിക്കൊണ്ടുനടക്കാവുന്ന പീരങ്കിത്തോക്കിന്റെ വില രണ്ടരക്കോടി രൂപ മാത്രം. പക്ഷെ ഇത് ഉപയോഗിച്ച് ഇറാന് വെടിവെച്ചിട്ടതോ 763 കോടി രൂപയുടെ അമേരിക്കയുടെ എഫ് 35 യുദ്ധവിമാനമാണ്.
മാന്‍പാ ഡ്സ് എന്നാണ് ഈ പീരങ്കിത്തോക്കിനെ വിളിക്കുന്നത്. മാന്‍ പോര്‍ട്ടബിള്‍ എയര്‍ ഡിഫന്‍സ് സിസ്റ്റംസ് എന്നാണ് മാന്‍പാഡിന്റെ മുഴുവന്‍ പേര്. അതായത് തോളില്‍ തൂക്കിയിട്ട് കൊണ്ടുനടക്കാവുന്ന ലളിതമായ പ്രതിരോധസംവിധാനം. വളരെ സിംപിളായ പ്രതിരോധമാര്‍ഗ്ഗം. ഇന്‍ഫ്രാറെഡ് ഗൈഡഡ് മിസൈല്‍ സംവിധാനമാണ് മാന്‍പാഡുകളില്‍ പ്രവര്‍ത്തിക്കുന്നത്. വിമാനത്തിന്റെ എഞ്ചിനില്‍ നിന്നും പുറപ്പെടുന്ന ചൂട് നോക്കിയാണ് മാന്‍പാഡുകളില്‍ നിന്നുള്ള മിസൈല്‍ അതിനെ തകര്‍ക്കുന്നത്. മാന്‍പാഡുകളുടെ ഏറ്റവും വലിയ മെച്ചം ശത്രു റഡാറുകള്‍ക്ക് ഇവയെ കണ്ടുപിടിക്കാന്‍ കഴിയില്ലെന്നതാണ്. മാത്രമല്ല കുന്നുകള്‍ നിറയെയുള്ള ഇറാനില്‍ മരങ്ങള്‍ക്ക് കീഴെ മാന്‍പാഡും ചുമലില്‍ തൂക്കി മറഞ്ഞിരിക്കാന്‍ എളുപ്പമാണ്.
ഒരു പട്ടാളക്കാരന്‍ തോളില്‍ തൂക്കി നടക്കുന്ന പീരങ്കിത്തോക്ക് അടുത്ത നിമിഷം ആകാശത്തെ ആധുനി യുദ്ധവിമാനത്തെ വെടിവെച്ചിടുന്നു. . അങ്ങിനെയാണ് കഴിഞ്ഞ ആഴ്ചയില്‍ ഇറാന്‍കാര്‍ അമേരിക്കയുടെ ആധുനിക യുദ്ധവിമാനത്തെ വീഴ്‌ത്തിയത്.
ഇപ്പോള്‍ ഇറാന് ചൈനയില്‍ നിന്നും ആയിരം മാന്‍പാഡുകള്‍ വാങ്ങുകയാണ്. ഇത് ഇറാന്റെ ആകാശവിതാനങ്ങള്‍ ഭരിയ്‌ക്കാന്‍ ശ്രമിക്കുന്ന അമേരിക്കയുടെയും ഇസ്രയേലിന്റെയും യുദ്ധവിമാനങ്ങള്‍ക്ക് വലിയ തലവേദനയാകുമെന്നുറപ്പ്.
