കൊച്ചി: തിരുവനന്തപുരം ജിമ്മി ജോര്ജ് സ്റ്റേഡിയത്തില് നടന്ന 59 ാമത് ഓള് കേരള ജിംനാസ്റ്റിക് സ്റ്റേറ്റ് ചാമ്പ്യന്ഷിപ്പില് 162 പോയിന്റോടെ എറണാകുളം ജില്ല മൂന്നാം സ്ഥാനം കരസ്ഥമാക്കി. തിരുവനന്തപുരം ഒന്നാം സ്ഥാനവും കണ്ണൂര് രണ്ടാം സ്ഥാനവും സ്വന്തമാക്കി.
എറണാകുളം ജില്ലയ്ക്ക് വേണ്ടി വിമന്സ് ആര്ട്ടിസ്റ്റിക് ജിംനാസ്റ്റിക്സില് അണ്ടര് 10 വിഭാഗത്തില് ആര്എസ്സി ജിംനാസ്റ്റിക് അക്കാദമിയിലെ ശിഖ ഇ. എസ്. രണ്ട് വെങ്കല മെഡല് സ്വന്തമാക്കിയപ്പോള്, ബേസ്ലൈന് ജിംനാസ്റ്റിക് അക്കാദമിയിലെ റേച്ചല് അജിത് നെല്ലാരിയും കല്യാണി കെ. എസും ഓരോ വെങ്കല മെഡല് വീതം സ്വന്തമാക്കി.
ചാമ്പ്യന്ഷിപ്പില് റിഥമിക്ക് ജിംനാസ്റ്റിക്സ് സബ് ജൂനിയര് വിഭാഗത്തില് 5 സ്വര്ണവും 5 വെള്ളിയും അണ്ടര് 10 വിഭാഗത്തില് നാല് സ്വര്ണവും നാല് വെള്ളിയും 5 വെങ്കലവും എറണാകുളം ജില്ല നേടി. എറണാകുളം ജില്ലക്ക് വേണ്ടി സബ്ജൂനിയര് വിഭാഗത്തില് വിശ്രുത വിനോദ് നാല് സ്വര്ണവും ഒരു വെള്ളിയും കരസ്ഥമാക്കിയപ്പോള് അതിത്രി അരുണ് പിള്ള ഒരു സ്വര്ണവും രണ്ടു വെള്ളിയും കരസ്ഥമാക്കി. ശ്രുതി മഹാദേവൂം അബിഗെയില് തോമസും ഓരോ വെള്ളി വീതം കരസ്ഥമാക്കി. അണ്ടര് 10 വിഭാഗത്തില് ദിയാന ഡെയില് 4 സ്വര്ണവും, കൃപ സമീപന് നാല് വെള്ളിയും അഗ്നിശിഖ അജു നാല് വെങ്കലവും, ആദ്വിക മറിയ പോള് ഒരു വെങ്കലവും കരസ്ഥമാക്കി. എറണാകുളത്ത് നിന്ന് 23 ഓളം ജിംനാസ്റ്റുകള് മൂന്ന് ദിവസത്തെ സ്റ്റേറ്റ് ചാമ്പ്യന്ഷിപ്പില് പങ്കെടുത്തു.
