തൃശൂര്‍ : ചേലക്കര നിയമസഭാ ഉപതെരഞ്ഞെടുപ്പിന്റെ പരസ്യപ്രചാരണത്തിന് കൊട്ടിക്കലാശത്തോടെ കൊടിയിറക്കം. ഇനി ബുധനാഴ്ച ചേലക്കര പോളിംഗ് ബൂത്തിലേക്ക്.
ഏറെ ആവേശത്തോടെയായിരുന്നു ചേലക്കര ടൗണില്‍ കൊട്ടിക്കലാശം നട
ന്നത്‌. എന്‍ ഡി എ സ്ഥാനാര്‍ത്ഥി കെ ബാലകൃഷ്ണന്‍ തികഞ്ഞ ആത്മവിശ്വാസത്തിലാണ്. കൊട്ടിക്കലാശത്തിന് ബി ജെ പി സംസ്ഥാന അധ്യക്ഷന്‍ കെ സുരേന്ദ്രന്‍ എത്തിയത് അണികള്‍ക്ക് ആവേശമായി. നിരവധി എന്‍ ഡി എ പ്രവര്‍ത്തകരാണ് കൊട്ടിക്കലാശത്തിനെത്തിയത്.
ചേലക്കരയില്‍ കൊട്ടിക്കലാശത്തിനിടെ നേരിയ സംഘര്‍ഷമുണ്ടായി. ബിജെപിയുടെ പ്രചാരണവാഹനം കൊണ്ടിട്ടതിനെ ചൊല്ലിയായിരുന്നു ബഹളം. പൊലീസ് ഇടത് പ്രവര്‍ത്തകരെ പിടിച്ച് മാറ്റി.
യു ഡി എഫ് സ്ഥാനാര്‍ത്ഥി രമ്യ ഹരിദാസിനൊപ്പം പാലക്കാട്ടെ സ്ഥാനാര്‍ത്ഥി രാഹുല്‍ മാങ്കൂട്ടത്തിലും കൊട്ടിക്കലാശത്തില്‍ പങ്കെടുത്തു.ചാണ്ടി ഉമ്മനും വി കെ ശ്രീകണ്ഠനും കൊട്ടിക്കലാശത്തില്‍ രമ്യയ്‌ക്കൊപ്പമുണ്ടായിരുന്നു. ഇടതുസ്ഥാനാര്‍ത്ഥി യുആര്‍ പ്രദീപിനെ ഉടനീളം അനുഗമിച്ച് കെ രാധാകൃഷ്ണന്‍ എംപിയും സജീവ സാന്നിധ്യമായി.
പ്രതികരിക്കാൻ ഇവിടെ എഴുതുക: