തിരുവനന്തപുരം:കണ്ണൂര്‍ എഡിഎം ആയിരുന്ന നവീന്‍ ബാബുവിന്റെ മരണത്തില്‍ റിമാന്‍ഡിലുളള പി.പി.ദിവ്യയെ തരംതാഴ്ത്തി സി പി എം.. കണ്ണൂര്‍ ജില്ലാ കമ്മിറ്റി അംഗമായിരുന്ന ദിവ്യയെ സിപിഎം പ്രാഥമിക അംഗത്വത്തിലേക്ക് തരംതാഴ്ത്തി.
ദിവ്യയെ തരംതാഴ്‌ത്താന്‍ കണ്ണൂര്‍ ജില്ലാ കമ്മിറ്റി തീരുമാനിച്ചിരുന്നു. ഇക്കാര്യം സംസ്ഥാന നേതൃത്വത്തിന്റെ അനുമതിക്കായി വിട്ടിരുന്നു. തുടര്‍ന്ന് ഓണ്‍ലൈനായി ചേര്‍ന്ന പാര്‍ട്ടി സംസ്ഥാന സെക്രട്ടേറിയറ്റ് യോഗമാണ് നടപടിക്ക് അംഗീകാരം നല്‍കിയത്.
സംസ്ഥാന സെക്രട്ടേറിയറ്റ് നടപടി അംഗീകരിച്ചതോടെ പി.പി.ദിവ്യ ഇനി മുതല്‍ ഇരണാവ് ലോക്കല്‍ കമ്മിറ്റിക്ക് കീഴിലെ ബ്രാഞ്ച് അംഗമായി തുടരും.ഉപ തെരഞ്ഞെടുപ്പ് കൂടി കണക്കിലെടുത്താണ് നടപടി. എന്നാല്‍ പാര്‍ട്ടിയില്‍ നിന്ന് പുറത്താക്കിയിട്ടില്ലെന്നത് ശ്രദ്ധേയമാണ്.
നവീന്‍ ബാബുവിന്റെ മരണത്തില്‍ ദിവ്യയെ പ്രതിചേര്‍ത്തതിനെ തുടര്‍ന്ന് നില്‍ക്കളളിയില്ലാതെ നേരത്തേ കണ്ണൂര്‍ ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന ദിവ്യയെ നീക്കിയിരുന്നു.
