മലയാളികളുടെ പ്രിയപ്പെട്ട ഗായികയാണ് റിമി ടോമി. നടി, അവതാരക, റിയാലിറ്റി ഷോ ജഡ്ജ് എന്നീ നിലകളിലും തിളങ്ങുന്ന റിമി വലിയൊരു യാത്രാപ്രേമി കൂടിയാണ്. അസർബൈജാൻ യാത്രയ്‌ക്കിടയിൽ താൻ കണ്ട കൗതുകമുള്ളൊരു കാഴ്ച ഷെയർ ചെയ്തിരിക്കുകയാണ് റിമി ടോമി.
അസർബൈജാനിലെ ഒരു റസ്റ്റോറന്റിൽ ഭക്ഷണം കഴിക്കാൻ കയറിയ റിമി ഓർഡർ ചെയ്തത് മട്ടൻ ബിരിയാണി. എന്നാൽ, ആദ്യം ടേബിളിലെത്തിയത് ബണ്ണുപോലെയൊരു സാധനമാണ്. തൊട്ടു പിറകെ, സദ്യയ്‌ക്ക് ഒക്കെ സാമ്പാറു വിളമ്പാൻ ഉപയോഗിക്കുന്നതുപോലൊരു സ്റ്റീൽ ബക്കറ്റും എത്തി. ഇതെന്തു കഥ എന്നു റിമി നോക്കി നിൽക്കെ, വെയ്റ്റർ വന്ന് ആ ബക്കറ്റിലേക്ക് എന്തോ ദ്രാവകം ഒഴിച്ചതും മൊത്തം ടേബിൾ പുകയാൽ മൂടി. പുക കണ്ട് അമ്പരന്നു ഇരിക്കുന്ന റിമിയെ വീഡിയോയിൽ കാണാം, ബണ്ണിനകത്ത് ഒളിപ്പിച്ച മട്ടൻ ബിരിയാണി സർവ്വ് ചെയ്യുന്ന വെയിറ്ററെയും.
പുക കണ്ടപ്പോൾ സ്വർഗ്ഗലോകത്തിൽ ഇരിക്കുന്നൊരു ഫീലാണ് തോന്നിയത് എന്നാണ് റിമിയുടെ കമന്റ്.
https://www.instagram.com/p/DB-zc4SMTYW/?utm_source=ig_embed&utm_campaign=embed_video_watch_again
അസർബൈജാനിലെ ബാകു എന്ന സ്ഥലത്തു ചെല്ലുമ്പോൾ ഷഹറായീസ് എന്നു പറഞ്ഞ ഈ മട്ടന്റെ ഐറ്റം കഴിക്കണം എന്നാണ് റിമി നിർദ്ദേശിക്കുന്നത്.
കഴിക്കുമ്പോൾ കൊതുക് കടിക്കാതിരിക്കാനാവും,”
“അങ്ങനെ റിമി ചേച്ചി ഭൂമിയിൽ നിന്ന് സ്വർഗലോകം കണ്ടു,”
“എഴുന്നേറ്റ് ഓടിക്കോ,” എന്നിങ്ങനെ പോവുന്നു കമന്റുകൾ.
