ഭുവനേശ്വര്: ഒഡീഷയിലെ ഭദ്രകില് ട്രെയിനിന് നേരെ വെടിവയ്പ്പ്. ചൊവ്വാഴ്ച രാവിലെ ഭദ്രക് ജില്ലയിലെ ബൗദാപുരിന് സമീപം, ന്യൂദല്ഹിയില് നിന്ന് ഭുവനേശ്വറിലേക്കുള്ള നന്ദന്കനന് എക്സ്പ്രസ് ട്രെയിനിന് നേരെയാണ് അജ്ഞാതര് വെടിയുതിര്ത്തത്.
അക്രമികള് ട്രെയിനിനു നേരെ 2 റൗണ്ട് വെടിയുതിര്ത്തെന്നാണ് റിപ്പോര്ട്ട്. ഗാര്ഡ് വാനിന്റെ ചില്ലിലാണ് വെടിയുണ്ട പതിച്ചത്. യാത്രക്കാരെല്ലാം സുരക്ഷിതരാണ്. ട്രെയിന് സുരക്ഷിതമായി പുരി സ്റ്റേഷനില് എത്തിച്ചതായി ആര്പിഎഫ് അറിയിച്ചു. സംഭവത്തില് ആര്പിഎഫ് അന്വേഷണം ആരംഭിച്ചു.
