തൃശ്ശൂര്: തന്റെ ഏറ്റവും ചര്ച്ച ചെയ്യപ്പെട്ട നോവല് ‘ആടുജീവിതം’ എഴുതിയത് അതിലെ കേന്ദ്രകഥാപാത്രമായ നജീബിന്റെ ജീവിതം പറയുക എന്ന ലക്ഷ്യത്തോടെയല്ലായിരുന്നുവെന്ന് ചെറുകഥാകൃത്തും നോവലിസ്റ്റുമായ ബെന്യാമിന്. എഴുത്തുകാരുടെ രചനാനുഭവങ്ങള് വായനക്കാരുമായി പങ്കുവയ്ക്കാനായി സാഹിത്യ അക്കാദമി സംഘടിപ്പിക്കുന്ന ആശയസംവാദ പരിപാടിയായ ‘എന്റെ രചനാലോകങ്ങളി’ല് പങ്കെടുത്ത് സംസാരിക്കുകയായിരുന്നു അദ്ദേഹം.
കഥാപാത്രങ്ങള് സാങ്കല്പികമോ യഥാര്ത്ഥ ജീവിതത്തിലുള്ളതോ ആകട്ടെ, ഒരു സന്ദേശമാണ് അവരിലൂടെ എഴുത്തുകാര് പങ്കുവയ്ക്കുന്നതെന്നത് അദ്ദേഹം പറഞ്ഞു. ഏതു കഷ്ടപ്പാടിനപ്പുറത്തും പ്രതീക്ഷയുടെ, സന്തോഷത്തിന്റെ ഒരു ജീവിതമുണ്ടെന്നു പറയാനാണ് നജീബ് എന്ന കഥാപാത്രത്തെ ഉപയോഗപ്പെടുത്തിയത്. ചില ആശയങ്ങളും സങ്കല്പങ്ങളും പ്രത്യക്ഷമായോ പരോക്ഷമായോ പറയലാണ് സാഹിത്യരചന. അതിനുള്ള ഉപകരണങ്ങളാണ് ഓരോ കഥാപാത്രങ്ങളും ഡോ. കെ.ടി. ഷംഷാദ് ഹുസൈന് അധ്യക്ഷത വഹിച്ചു.
