തിരുവനന്തപുരം:വെള്ളറടയില്‍ റോഡില്‍ കരടിയെ കണ്ടെന്ന് നാട്ടുകാര്‍. വെള്ളറടയിലെ ചെറുകര വിളാകത്താണ് സംഭവം.
ആനപ്പാറ പെട്രോള്‍ പമ്പിന് മുന്നിലുളള സിസിടിവിയില്‍ കരടിയുടേതെന്ന് കരുതുന്ന ദൃശ്യങ്ങള്‍ പതിഞ്ഞു.
രാവിലെ റബര്‍ ടാപ്പിംഗ് തൊഴിലാളികളാണ് കരടിയെ കണ്ടത്. ഇവര്‍ അറിയിച്ചത് പ്രകാരം വനംവകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. പ്രദേശത്ത് കാമറകളും ആവശ്യം വന്നാല്‍ കൂടും സ്ഥാപിക്കുമെന്ന് പരുത്തിപ്പള്ളി റെയ്ഞ്ച് ഓഫീസര്‍ അറിയിച്ചു.
എന്നാല്‍ കരടിയുടെ കാല്‍പ്പാടുകളൊന്നും കണ്ടെത്തിയില്ല. പ്രദേശത്ത് ജാഗ്രതാ നിര്‍ദേശം നല്‍കി.
