പാലക്കാട്: വൈദ്യുതാഘാതമേറ്റ് വയോധികന് മരിച്ചു. പാലക്കാട് ഒറ്റപ്പാലം പാവുക്കോണം സ്വദേശി ഗോപാലനാണ് (60) മരിച്ചത്.
ഞായറാഴ്ച ഉച്ചയ്ക്ക് രണ്ടു മണിയോടെ വീടിന് സമീപത്തെ പറമ്പിലായിരുന്നു സംഭവം. ഗോപാലന് വീട്ടിലെ ആടിന് പ്ലാവില ശേഖരിക്കുകയായിരുന്നു.
വലിയ തോട്ടി ഉപയോഗിച്ച് പ്ലാവില് നിന്നും ഇല താഴേക്ക് വലിച്ചിടവെ വൈദ്യുതി കമ്പിയില് നിന്നും ഷോക്കേറ്റു. തെറിച്ചു വീണ ഗോപാലനെ ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
