ഭക്തര്‍ ദുര്‍ഗ്ഗാപൂജാപന്തലില്‍ ചെരിപ്പിട്ട് കയറിയതിന് ദേഷ്യപ്പെടുന്ന ബോളിവുഡ് താരം കാജോള്‍ (വലത്ത്) പ്രാര്‍ത്ഥനാനിര്‍ഭരയായി ദുര്‍ഗ്ഗാപൂജാപന്തലില്‍ നടി കാജോള്‍ (നടുവില്‍) നടി ആലിയ ഭട്ട് പൂജാപന്തലില്‍ കയറും മുന്‍പ് ക്യാമറയ്‌ക്ക് മുന്‍പില്‍ പോസ് ചെയ്യുന്നു (ഇടത്ത്)
മുംബൈ:ദുര്‍ഗ്ഗാദേവിയുടെ വിഗ്രഹത്തിനടുത്ത് ഭക്തര്‍ ചെരിപ്പിട്ട് കയറിയത് ബോളിവുഡ് നടി കാജോളിനെ ശരിക്കും ദേഷ്യം പിടിപ്പിച്ചു. ദുര്‍ഗ്ഗാപൂജാപന്തലില്‍ ആണ് ഭക്തര്‍ ചെരിപ്പിട്ട് കയറിയത്.
കാജോള്‍ രോഷം പ്രകടിപ്പിക്കുന്ന ഇന്‍സ്റ്റഗ്രാം പോസ്റ്റ് കാണാന്‍ ഇവിടെ ക്ലിക്ക് ചെയ്യുക
രോഷാകുലയായ അവര്‍ ശരിക്കും ചെരിപ്പിട്ടു കയറിയവരെ ശാസിച്ചു. ഇതിന്റെ വീഡിയോ ഇപ്പോള്‍ വൈറലായി പ്രചരിക്കുകയാണ്. വിഗ്രഹത്തിനോ ഭക്തിക്കോ പ്രാധാന്യം നല്‍കാതെ അവിടെ ചെരിപ്പിട്ട് കയറിയവരെ കാജോള്‍ ഉറക്കെ ശാസിക്കുന്നത് വീഡിയോയില്‍ കേള്‍ക്കാം. “അല്‍പം ബഹുമാനം കാണിക്കൂ, ഇത് പൂജയാണ്” എന്നാണ് കാജോള്‍ ദേഷ്യപ്പെട്ട് പറയുന്നത്. നേരിട്ട് പറഞ്ഞിട്ട് കേള്‍ക്കാത്തവരോട് മൈക്ക് വാങ്ങി കാജോള്‍ സംസാരിക്കുന്നത് കേള്‍ക്കാം:”ദയവായി ഷൂസിട്ടവര്‍ അതെല്ലാം അഴിച്ചുമാറ്റൂ.ഇത് പൂജയാണ്.”
കാജോള്‍, ഭര്‍ത്താവ് അജയ് ദേവ് ഗണ്‍, റാണി മുഖര്‍ജി, ആലിയ ഭട്ട് എന്നിവരാണ് ദുര്‍ഗ്ഗാപൂജ പന്തലില്‍ ആഘോഷത്തിന് എത്തിയത്. മഞ്ഞസാരിയുടുത്ത സഹോദരി ഷഹീന്‍ ഭട്ടിനൊപ്പം നല്ല ചുവന്ന സാരിയുടുത്ത് ആലിയ ഭട്ട് കാജോളിന്റെ അടുത്ത് നില്‍ക്കുന്നത് വീഡിയോയില്‍ കാണാം.
.
പ്രതികരിക്കാൻ ഇവിടെ എഴുതുക