കൊച്ചി : പി വി അന്വര് എം എല് എയുടെ പുതിയ സംഘടനയുടെ യോഗം നടത്താന് അനുമതി നിഷേധിച്ച് പി ഡബ്ലിയു ഡി റസ്റ്റ് ഹൗസ്. എറണാകുളം പത്തടിപ്പാലത്തെ പി ഡബ്യു ഡി റസ്റ്റ് ഹൗസിലാണ് യോഗം നടത്താനിരുന്നത്്. എംല്എയും സംഘവും റസ്റ്റ് ഹൗസില് തുടരുകയാണ്. സ്ഥലത്ത് വന് പൊലീസ് സന്നാഹമുണ്ട്.
മന്ത്രി മുഹമ്മദ് റിയാസിന്റെ നിര്ദേശപ്രകാരമാണ് യോഗത്തിന് അനുമതി നിഷേധിച്ചതെന്ന് പി വി അന്വര് ആരോപിച്ചു. പൊലീസിനെ കാട്ടി ഭയപ്പെടുത്തേണ്ടെന്നും അന്വര് പറഞ്ഞു.
നേരത്തെ തോട്ടപ്പള്ളിയിലെ കരിമണല് ഖനനവിരുദ്ധ സമരത്തിന് ഐക്യദാര്ഢ്യം പ്രകടിപ്പിച്ച് പി വി അന്വര് രംഗത്തെത്തിയിരുന്നു. കരിമണല് ഖനനവുമായി ബന്ധപ്പെട്ട് പല തവണ പാര്ട്ടി നേതൃത്വത്തിന് കത്ത് നല്കിയിട്ടുണ്ടെന്നും തോട്ടപ്പള്ളി സന്ദര്ശിക്കാനുള്ള ആഗ്രഹം അറിയിച്ചപ്പോള് തടഞ്ഞെന്നും അന്വര് മാധ്യമങ്ങളോട് പറഞ്ഞു. കരിമണല് ഖനനത്തില് പ്രബല രാഷ്ട്രീയ കക്ഷികള് സഹകരിച്ച് പ്രവര്ത്തിക്കുന്ന രീതിയാണുളളതെന്നും അദ്ദേഹം പറഞ്ഞു.
കമ്യൂണിസ്റ്റ് ശക്തികേന്ദ്രമായ ആലപ്പുഴയില് വോട്ടു ചോര്ച്ചയ്ക്ക് കാരണം ഇത്തരം നിലപാട് ആണെന്നും പി വി അന്വര് കൂട്ടിച്ചേര്ത്തു. ജന വികാരം കാണാന് കഴിയുന്നില്ല. തന്റെ പ്രസ്ഥാനമായ ഡിഎംകെ കരിമണല് ഖനനവിരുദ്ധ ഏറ്റെടുക്കുമെന്നും അന്വര് വ്യക്തമാക്കി.
