ന്യൂദൽഹി: ഇന്ത്യൻ ഒളിമ്പിക് അസോസിയേഷൻ പ്രസിഡൻ്റ് സ്ഥാനത്ത് നിന്നും പി.ടി ഉഷയെ പുറത്താക്കാൻ അവിശ്വാസം പ്രമേയം അവതരിപ്പിക്കുമെന്ന് ഐഒഎയുടെ പേരില് പുറത്തുവന്ന വാർത്തകൾ വ്യാജമെന്ന് പി.ടി.ഉഷയുടെ ഓഫീസ്. ഐഒഎയുടെ ഈ മാസം 25ന് ചേരുന്ന യോഗത്തിന്റേതെന്ന പേരില് പ്രചരിക്കുന്ന അജണ്ട വ്യാജമാണെന്നും ഓഫീസ് അറിയിച്ചു.
ജോയിന്റ് സെക്രട്ടറി കല്യാണ് ചൗബേ ഒപ്പിട്ട ഈ അജണ്ടയെക്കുറിച്ച് അറിയില്ല. ഇതിനെതിരേ ശക്തമായ നിയമനടപടി സ്വീകരിക്കും. ഇത്തരം വാർത്തകൾക്ക് പിന്നിൽ അഴിമതിക്കാരാണെന്നും തന്നെ പുറത്താക്കാൻ ഇവർ തുടക്കം മുതൽ തന്നെ ശ്രമിക്കുന്നുണ്ടെന്നും പി. ടി ഉഷ പറഞ്ഞു. അക്ടിങ് സിഇഒ എന്ന പേരിൽ ചിലർ പ്രവർത്തിക്കുന്നുണ്ട്. അങ്ങനെ ഒരു സ്ഥാനം ആർക്കും നൽകിയിട്ടില്ലെന്നും ഉഷ വ്യക്തമാക്കി.
യഥാര്ഥ അജണ്ടയില് ഉഷയ്ക്കെതിരായ അവിശ്വാസപ്രമേയമില്ല. എന്നാല് മറ്റ് അംഗങ്ങള്ക്കെതിരായ കാരണം കാണിക്കല് നോട്ടീസ് ഉള്പ്പെടെ ചര്ച്ച ചെയ്യുന്നത് അജണ്ടയിലുണ്ടെന്നും ഉഷയുടെ ഓഫീസ് അറിയിച്ചു.
