ദുബായ്: വനിതാ ടി20 ലോകകപ്പില്‍ ന്യൂസിലാന്‍ഡിനെതിരെ ഇന്ത്യക്ക് 161 റണ്‍സ് വിജയലക്ഷ്യം. ടോസ്‌നേടി ബാറ്റിംഗ് തെരഞ്ഞെടുത്ത ന്യൂസിലന്‍ഡ് നാല് വിക്കറ്റ് നഷ്ടത്തില്‍ 160 റണ്‍സെടുത്തു.
സുസീ ബേറ്റ്‌സ് (24 പന്തില്‍ 27), ജോര്‍ജിയ പ്ലിമ്മര്‍ (23 പന്തില്‍ 34), അമേലിയ കെര്‍ (13), ബ്രൂക്ക് ഹാലിഡെ (16) എന്നിവര്‍ മികച്ച പ്രകടനം പുറത്തെടുത്തു. ഒന്നാം വിക്കറ്റില്‍ ന്യൂസിലന്‍ഡിനായി സൂസി – പ്ലിമ്മര്‍ സഖ്യം 67 റണ്‍സ് നേടി.
ഇന്ത്യക്ക് വേണ്ടി രേണുക സിംഗ് നാലോവറില്‍ 27 റണ്‍സ് വഴങ്ങി രണ്ട് വിക്കറ്റുകള്‍ വീഴ്‌ത്തി .അരുന്ധതി റെഡ്ഡിയും മലയാളി താരം ആശാ ശോഭനയും ഓരോ വിക്കറ്റ് വീതം നേടി.
മറുപടി ബാറ്റിംഗില്‍ ഇന്ത്യ തിരിച്ചടി നേരിടുകയാണ്. ഏഴോവറില്‍ മൂന്ന് വിക്കറ്റ് നഷ്ടത്തില്‍ 45 റണ്‍സെന്ന നിലയിലാണ് ഇപ്പോള്‍.
പ്രതികരിക്കാൻ ഇവിടെ എഴുതുക: