മലപ്പുറം: കര്ഷകരുടെ പ്രശ്നം ഏറ്റെടുക്കുമെന്നും സാധാരണക്കാര്ക്ക് ഒപ്പം നില്ക്കുമെന്നും പി വി അന്വര് എം എല് എ.ഒപ്പം നില്ക്കാന് ആളുണ്ടെങ്കില് രാഷ്ട്രീയ പാര്ട്ടി രൂപീകരിക്കും. മലപ്പുറത്തെ 16 മണ്ഡലങ്ങളിലും പര്യടനം നടത്തി പ്രസംഗിക്കും.തീപ്പന്തം പോലെ കത്തും. സി പി എം സംസ്ഥാന സെക്രട്ടറി എം.വി ഗോവിന്ദന്റെ പത്ര സമ്മേളനത്തിന് പിന്നാലെ മാധ്യമങ്ങളെ കണ്ടപ്പോഴാണ് അന്വര് ഇക്കാര്യങ്ങള് പറഞ്ഞത്.
പാര്ട്ടി നിലനില്പ്പ് ചോദ്യം ചെയ്യപ്പെടുന്ന നിലയില് പൊലീസ് സംവിധാനമെത്തി. അതാണ് ചൂണ്ടിക്കാട്ടിയത്. സാധാരണക്കാര്ക്ക് പൊലീസ് സ്റ്റേഷനില് ചെല്ലാനാകാത്ത സ്ഥിതിയാണ്. പാര്ട്ടി ഓഫീസുകളില് സാധാരണക്കാരെത്തുന്നില്ല. കമ്യൂണിസ്റ്റ് പാര്ട്ടിയുടെ വോട്ട് കര്ഷക തൊഴിലാളികളും ഓട്ടോ െ്രെഡവര്മാരും പോലുളള സാധാരണക്കാരുടേതാണ്. പാര്ട്ടിക്ക് വേണ്ടി അവര് ജീവന് കൊടുക്കും. ആ പാവപ്പെട്ടവര്ക്ക് വേണ്ടി പ്രവര്ത്തിക്കുന്നത് ഇവിടെയുളള ലോക്കല് നോതാക്കളാണ്. അവര്ക്ക് സാധാരണക്കാര്ക്ക് വേണ്ടി പറയാന് പറ്റാത്ത സ്ഥിതിയാണുളളത്. എത്ര ലോക്കല് നേതാക്കള്ക്കെതിരെയാണ് കേസെടുത്തിരിക്കുന്നത്’.
സ്വര്ണക്കടത്ത് പരാതിയില് വസ്തു നിഷ്ഠമായ അന്വേഷണം എന്ന പാര്ട്ടി സെക്രട്ടറിയുടെ നിലപാട് തെറ്റാണ്.തനിക്കെതിരെ മൂര്ദാബാദ് വിളിച്ച പാര്ട്ടി പ്രവര്ത്തകര് തന്നെ പിന്നീട് തനിക്ക് സിന്ദാബാദ് വിളിച്ചിട്ടുണ്ടെന്ന് അന്വര് പറഞ്ഞു. പാര്ട്ടി പ്രവര്ത്തകര് അന്വറിനെതിരെ രംഗത്തിറങ്ങണമെന്ന ഗോവിന്ദന്റെ ആഹ്വാനത്തോട് പ്രതികരിക്കുകയായിരുന്നു അന്വര്. 2016 ല് സിപിഎം തനിക്ക് ഇങ്ങോട്ട് പിന്തുണ വാഗ്ദാനം ചെയ്തതാണ്. കഴിഞ്ഞ പാര്ലമെന്റ് തെരഞ്ഞെടുപ്പില് ജനം നല്കിയത് തിരിച്ചടിയാണ്. വടകരയില് തോറ്റത് കെ കെ ശൈലജയുടെ കുഴപ്പം കൊണ്ടല്ല. ലോക്സഭ തെരഞ്ഞെടുപ്പ് ഫലം വിലയിരുത്തിയില്ല. പാര്ട്ടി സഖാക്കളുടെ വിഷയങ്ങളില് താന് നടത്തിയ അന്വേഷണം പോലും സിപിഎം നടത്തുന്നില്ലെന്ന് അന്വര് പറഞ്ഞു.
കമ്യൂണിസം പഠിച്ച് വന്നതല്ല താന്. കമ്യൂണിസ്റ്റ് പാര്ട്ടി സാധാരണക്കാര്ക്ക് വേണ്ടി പോരാടുന്ന സംഘടനയാണ് .സാധാരണ പാര്ട്ടിക്കാര്ക്ക് ഒപ്പമാണ് താനെന്നും ആര്ക്കൊപ്പം നില്ക്കണമെന്ന് പ്രവര്ത്തകര് തീരുമാനിക്കട്ടെയെന്നും അന്വര് പറഞ്ഞു.
