ന്യൂദല്ഹി: ഇവൈ കമ്പനിയിലെ ചാര്ട്ടേര്ഡ് അക്കൗണ്ടന്റിന്റെ മരണവുമായി ബന്ധപ്പെട്ട്, തന്റെ പരാമര്ശത്തെ ചുറ്റിപ്പറ്റിയുണ്ടായ വിവാദത്തിന് മറുപടിയുമായി കേന്ദ്രമന്ത്രി നിര്മല സീതാരാമന്.
ഇരയെ അപമാനിക്കുകയാണ് കേന്ദ്രമന്ത്രി ചെയ്തതെന്ന രാജ്യസഭാ എംപി പ്രിയങ്ക ചതുര്വേദിയുടെ സോഷ്യല്മീഡിയ പോസ്റ്റിലാണ് നിര്മല സീതാരാമന്റെ പ്രതികരണം.ചെന്നൈയിലെ ഒരു ഡീംഡ് യൂണിവേഴ്സിറ്റി സംഘടിപ്പിച്ച ചടങ്ങില് സംസാരിച്ചപ്പോഴാണ് ഇത്തരമൊരു പരാമര്ശമുണ്ടായത്. പ്രസംഗത്തിനിടയില് പെണ്കുട്ടിയുടെയോ സ്ഥാപനത്തിന്റെയോ പേരുകള് സൂചിപ്പിച്ചിരുന്നില്ല.
സര്വകലാശാലയില് വിദ്യാര്ത്ഥികള്ക്കും ഉദ്യോഗസ്ഥര്ക്കുമായി അവരൊരു മെഡിറ്റേഷന് ഹാള് ഒരുക്കിയിരുന്നു. ഈ അവസരത്തിലാണ് വിദ്യാര്ത്ഥികള്ക്ക് ആത്മബലം വര്ധിപ്പിക്കാന് അതെത്ത്രോളം അനിവാര്യമാണെന്ന് ചൂണ്ടിക്കാട്ടിയത്. കുട്ടികളെ പിന്തുണയ്ക്കുന്നതില് കുടുംബത്തിനും സ്ഥാപനത്തിനുമുള്ള പങ്ക് വ്യക്തമാക്കി. അവിടെ ഒരു രീതിയിലും ഇരയെ അപമാനിക്കാന് ഉദ്ദേശിച്ചില്ല.
ജോലിസ്ഥലത്തുണ്ടായ സമ്മര്ദം, ചൂഷണം തുടങ്ങിയവയില് വിശദമായ അന്വേഷണം നടത്തുമെന്ന് ഇതിനകം തന്നെ കേന്ദ്രം ഉറപ്പുനല്കിയിട്ടുണ്ടെന്നും, കേന്ദ്രമന്ത്രി എക്സില് കുറിച്ചു.
