കണ്ണൂര്‍: തലശേരി കുയ്യാലിയില്‍ 10.05 ഗ്രാം എംഡിഎംഎയുമായി യുവതി അറസ്റ്റില്‍. ചാലില്‍ സ്വദേശിനിയും കുയ്യാലിയിലെ വാടക ക്വാട്ടേഴ്‌സിലെ താമസക്കാരിയുമായ പി. കെ റുബൈദ ( 37 ) യാണ് പിടിയിലായത്.
തലശേരി കുയ്യാലിയില്‍ വാടക ക്വാട്ടേഴ്‌സില്‍ മയക്കുമരുന്ന് വില്‍പ്പന നടത്തുന്നുണ്ടെന്ന രഹസ്യവിവരമനുസരിച്ച് നടത്തിയ പരിശോധനയിലാണ് യുവതിയെ പിടികൂടിയത്.തലശേരി പൊലീസാണ് പരിശോധന നടത്തി യുവതിയെ അറസ്റ്റ് ചെയ്തത്.
പരിശോധനയില്‍ എംഡി എം എക്ക് പുറമെ ആറ് മൊബൈല്‍ ഫോണുകളും മയക്ക്മരുന്ന് ഉപയോഗിക്കുന്ന ഉപകരണങ്ങളും 4800 രൂപയും പൊലീസ് പിടിച്ചെടുത്തു.തുടര്‍ന്ന് റുബൈദയെ പൊലീസ് കസ്റ്റഡിയിലെടുത്തു.
