കൊച്ചി:എറണാകുളം എളമക്കരയില്‍ പെണ്‍വാണിഭ സംഘം പിടിയിലായി. ഇരുപതുകാരിയായ ബംഗ്ലാദേശ് സ്വദേശിനിയെ ബംഗളുരുവില്‍ നിന്ന് കൊച്ചിയിലെത്തിച്ച് ഇരുപതിലേറെ പേര്‍ക്ക് കാഴ്ചവച്ചതായാണ് റിപ്പോര്‍ട്ട്.
എളമക്കര കേന്ദ്രീകരിച്ചു പ്രവര്‍ത്തിച്ച് വന്ന സ്ത്രീകള്‍ ഉള്‍പ്പെട്ട സംഘത്തെയാണ് പൊലീസ് പിടികൂടിയത്. ജഗത, സെറീന, സഹായി ശ്യാം എന്നിവരാണ് പിടിയിലായ മൂന്നു പേര്‍.
മാതാപിതാക്കള്‍ നഷ്ടപ്പെട്ട പെണ്‍കുട്ടി 12ാം വയസില്‍ ബന്ധുവിനൊപ്പമാണ് ഇന്ത്യയിലെത്തിയത്. കുട്ടി പിന്നീട് പെണ്‍വാണിഭ സംഘത്തിന്റെ പിടിയിലാകുകയായിരുന്നു. ഒരാഴ്ച മുന്‍പാണ് സെറീന പെണ്‍കുട്ടിയെ ബെംഗളൂരുവില്‍നിന്ന് കൊച്ചിയിലെത്തിക്കുന്നത്. പെണ്‍കുട്ടി ഇപ്പോള്‍ പൊലീസ് സംരക്ഷണയിലാണ്.
ഒരു ദിവസം ഏഴുപേര്‍ വരെ തന്നെ സമീപിച്ചിരുന്നതായി യുവതി പൊലീസിനോട് പറഞ്ഞു.ബംഗളൂരുവില്‍ റാക്കറ്റിനെ നിയന്ത്രിച്ചിരുന്നത് സെറീനയും കൊച്ചിയിലെ കാര്യങ്ങള്‍ നോക്കിയിരുന്നത് ജഗത എന്ന സ്ത്രീയുമാണ്.
