തിരുവനന്തപുരം: ബംഗാള് ഉള്കടലില് രൂപപ്പെട്ട ന്യുനമര്ദ്ദം അടുത്ത രണ്ട് മൂന്ന് ദിവസത്തിനുള്ളില് പശ്ചിമ ബംഗാള്, ഒഡിഷ, തീരത്തിനു സമീപം തീവ്ര ന്യുന മര്ദ്ദമായി ശക്തി പ്രാപിക്കാന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തുടര്ന്നുള്ള 3-4 ദിവസത്തിനുള്ളില് കരയില് പ്രവേശിച്ചു പശ്ചിമ ബംഗാള്, വടക്കന് ഒഡിഷ, ജാര്ഖണ്ഡ്, ഛത്തീസ്?ഗഡ് മേഖലയിലേക്ക് നീങ്ങാനാണ് സാധ്യതയെന്നും കാലാവസ്ഥ വിഭാഗം അറിയിച്ചു. കേരളത്തില് എല്ലാ ജില്ലകളിലും ഇടവിട്ടുള്ള ഒറ്റപ്പെട്ട മഴ തുടരും. വരും ദിവസങ്ങളില് വടക്കന് കേരളത്തില് കൂടുതല് മഴ സാധ്യതയെന്നും മുന്നറിയിപ്പുണ്ട്. ഇന്ന് രണ്ട് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
വരും ദിവസങ്ങളിലെ യെല്ലോ അലര്ട്ട് പ്രഖ്യാപനം ഇങ്ങനെ…
06/09/2024 : കണ്ണൂർ, കാസർഗോഡ്
07/09/2024 : കണ്ണൂർ, കാസർഗോഡ്
08/09/2024 : എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർഗോഡ്
09/09/2024 : എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർഗോഡ്
10/09/2024 : കോഴിക്കോട്, കണ്ണൂർ, കാസർഗോഡ്
