തൃശൂര്‍: പീച്ചി ഡാം തുറന്നതില്‍ ഗുരുതര വീഴ്ച ഉണ്ടായെന്ന് തൃശൂര്‍ സബ് കലക്ടറുടെ അന്വേഷണ റിപ്പോര്‍ട്ട്. ഇറിഗേഷന്‍ ഉദ്യോഗസ്ഥര്‍ക്ക് വീഴ്ചപറ്റിയെന്നാണ് സബ് കലക്ടറുടെ റിപ്പോര്‍ട്ട്.
റൂള്‍ കര്‍വ് പിന്നിട്ട് മൂന്നു ദിവസം കഴിഞ്ഞിട്ടും ഡാം തുറന്നില്ലെന്നാണ് റിപ്പോര്‍ട്ടില്‍ പറയുന്നത്.ജൂലായ് 29 ന് ഉച്ചകഴിഞ്ഞ് മൂന്ന് മണിക്ക് ആറിഞ്ച് മാത്രമാണ് ഡാം തുറന്നത്. 15 മണിക്കൂറിനിടെ നാലു ഷട്ടറുകളും 72 ഇഞ്ച് വീതം തുറക്കുകയുണ്ടായി.
ചരിത്രത്തില്‍ ആദ്യമായാണ് ഇങ്ങനെ തുറന്നത്. മണലി പുഴയുടെ തീരത്തെ ആയിരക്കണക്കിന് വീടുകളില്‍ വെള്ളം കയറിയി വന്‍ നാശം വിതച്ചത് ഡാം തുറന്നതിലെ വീഴ്ച മൂലമാണെന്നാണ് റിപ്പോര്‍ട്ട്.
റിപ്പോര്‍ട്ട് പുറത്തുവിട്ടത് വിവരാവകാശ നിയമപ്രകാരമാണ്.
