കൊച്ചി: സംവിധായകന് രഞ്ജിത്തിനെതിരെ ബംഗാളി നടി നല്കിയ ലൈംഗികാതിക്രമ പരാതിയില് തെളിവെടുത്തു. സംഭവദിവസം നടി താമസിച്ച എറണാകുളം കതൃക്കടവിലെ ഹോട്ടലിലാ നടിയുടെ സുഹൃത്തും ഡോക്യുമെന്ററി സംവിധായകനുമായ കേസിലെ പ്രധാന സാക്ഷി ജോഷി ജോസഫിനെയും എത്തിച്ചാണ് തെളിവെടുപ്പ് നടത്തിയത്.
ജോഷി ജോസഫിന്റെ സാക്ഷിമൊഴി അന്വേഷണസംഘം രേഖപ്പെടുത്തിയിരുന്നു. രഞ്ജിത്തിനെതിരെയുള്ള ബംഗാളി നടിയുടെ ലൈംഗികാതിക്രമ പരാതിയില് എറണാകുളം നോര്ത്ത് പോലീസാണ് കേസെടുത്തത്. തുടര്ന്ന് കേസ് പ്രത്യേക അന്വേഷണ സംഘത്തിന് കൈമാറുകയായിരുന്നു.
പാലേരി മാണിക്യം എന്ന സിനിമയില് അഭിനയിക്കുന്ന സമയത്ത് 2009ല് രഞ്ജിത്ത് മോശമായി പെരുമാറിയെന്നും ലൈംഗിക ചൂഷണത്തിന് ശ്രമമുണ്ടായെന്നും നടി വെളിപ്പെടുത്തിയിരുന്നു.
കൊച്ചി കടവന്ത്രയിലെ ഫഌറ്റില്വച്ചായിരുന്നു അതിക്രമം. സംവിധായകന്റെ ഉദ്ദേശം മനസിലാക്കിയ താന് ഫഌറ്റില്നിന്ന് രക്ഷപ്പെട്ട് താമസിക്കുന്ന ഹോട്ടലിലേക്ക് മടങ്ങുകയായിരുന്നുവെന്നും നടിയുടെ പരാതിയില് പറഞ്ഞിരുന്നു.
കേസില് പ്രത്യേക അന്വേഷണ സംഘം ഫാ. അഗസ്റ്റിന് വട്ടോളിയുടെ മൊഴിയും രേഖപ്പെടുത്തി. കടമക്കുടിയിലെ വസതിയില് എത്തിയാണ് മൊഴി രേഖപ്പെടുത്തിയത്. പരാതി നല്കിയ ബംഗാളി നടിയുടെ സുഹൃത്തും തിരക്കഥാകൃത്തുമായ ജോഷി ജോസഫില് നിന്നാണ് ഫാദര് ഇക്കാര്യം അറിയുന്നത്. ഫാദര് അഗസ്റ്റിന് വട്ടോളിയോട് വിവരം പറഞ്ഞിരുന്നു. പുറത്ത് പറയണമെന്ന് വിചാരിച്ചെങ്കിലും നടന്നില്ല. ജോഷി ജോസഫിന്റെ മൊഴിക്ക് പിന്നാലെയാണ് ഫാ. അഗസ്റ്റിന് വട്ടോളിയുടെ മൊഴിയും രേഖപ്പെടുത്തിയത്. രഞ്ജിത്ത് താമസിച്ചിരുന്ന ഹോട്ടലിലും അന്വേഷണസംഘം തെളിവെടുത്തു.
