തിരുവനന്തപുരം: . ഹേമ കമ്മിറ്റി വിവാദങ്ങള്ക്കിടെ താന് ഒരിക്കലും ഒളിച്ചോടിപ്പോയിട്ടില്ലന്ന്് നടന് മോഹന്ലാല്. കുറ്റം ചെയ്ത ആളുകള് ശിക്ഷിക്കപ്പെടണം. വിവാദമുണ്ടാക്കി വലിയൊരു വ്യവസായത്തെ തകര്ക്കരുത്. സിനിമയുമായി ബന്ധപ്പെട്ട എല്ലാത്തിനും അമ്മ മറുപടി പറയണം എന്നത് ശരിയല്ല. മലയാള സിനിമയിൽ 21 ഓളം സംഘടനകളുണ്ട്. പവര്ഗ്രൂപ്പിനെക്കുറിച്ച് അറിയില്ല. ഞാന് ഒരു പവര്ഗ്രൂപ്പിലുമില്ല. മോഹന്ലാല് പത്രസമ്മേളനത്തില് പറഞ്ഞു.
മോഹന്ലാല് എവിടെയായിരുന്നുവെന്നും ഒളിച്ചോടിപ്പോയോ എന്നുമാണ് ചോദിക്കുന്നത്. ഞാന് ഒരിടത്തേയ്ക്കും ഒളിച്ചോടിപ്പോയിട്ടില്ല. ഭാര്യയുടെ ചികിത്സയുമായി ബന്ധപ്പെട്ട് തിരക്കിലായിരുന്നു. കഴിഞ്ഞ 47 വര്ഷമായി നിങ്ങള്ക്കൊപ്പം സഞ്ചരിക്കുന്നയാളാണ് ഞാന്. സിനിമ സമൂഹത്തിന്റെ ഒരു ഭാഗം മാത്രമാണ്. മറ്റെല്ലായിടത്തും സംഭവിക്കുന്നത് സിനിമയിലും സംഭവിക്കും. ഞാന് അതിനെ പ്രോത്സാഹിപ്പിക്കുകയല്ല. എല്ലാ മേഖലയിലും ഇത്തരം കാര്യങ്ങള് ഉണ്ടാകാറുണ്ട്.. വിവാദം ഉണ്ടായ ശേഷം ആദ്യമായി പ്രതികരിക്കവെ മോഹന്ലാല് പറഞ്ഞു.
മലയാള സിനിമാ വ്യവസായം തകരാന് പോവുന്ന സ്ഥിതിയാണ്. താന് അഭിനയത്തിലേക്ക് വന്നപ്പോള് ഒരു സൗകര്യവും ഉണ്ടായില്ല. ഒരുപാട് നല്ല താരങ്ങളുള്ള വ്യവസായ രംഗമാണ്. മലയാള സിനിമയിലേക്ക് ഫോക്കസ് ചെയ്ത് ഈ മേഖലയെ ആകെ തകര്ക്കരുത്.
ആയിരക്കണക്കിന് ജോലിക്കാരുള്ള വലിയ ഇന്ഡസ്ട്രിയാണ് മലയാള സിനിമ. അത് നിശ്ചലമായി പോകും. കൂട്ടായെടുത്ത തീരുമാനപ്രകാരമാണ് അമ്മ ഭരണസമിതി രാജിവച്ചത്. ആര്ക്കുവേണമെങ്കിലും അമ്മയുടെ നേതൃത്വത്തിലേക്ക് വരാം. മലയാള സിനിമയെ നമുക്കു രക്ഷിക്കണം. തെറ്റുകുറ്റങ്ങള് ഉണ്ടായേക്കാം. ഒരു സംഘടന മാത്രം ക്രൂശിക്കപ്പെടുന്നതു ശരിയല്ല.
സിനിമയില് മാത്രമല്ല, എല്ലാ മേഖലയിലും ഇതുപോലുള്ള കമ്മിറ്റികള് ഉണ്ടാകണം. ദയവുചെയ്ത് എല്ലാവരും കൂടി സഹകരിച്ച് മലയാള സിനിമ മേഖല തകരാതിരിക്കാന് ശ്രമിക്കണം.വളരെയധികം സങ്കടമുണ്ട്. 47 വര്ഷം സിനിമയുമായി സഹകരിച്ച വ്യക്തിയെന്ന നിലയിലുള്ള അഭ്യര്ഥനയാണിത്.
പൊലീസും കോടതിയും സര്ക്കാരുമാണു നടപടികള് സ്വീകരിക്കുന്നത്. മാധ്യമങ്ങളും കൂടി ചേര്ന്നു പ്രശ്നം പരിഹരിക്കാന് ശ്രമിക്കണം. സര്ക്കാരും പൊലീസും കുറ്റക്കാര്ക്കെതിരെയുണ്ട്. കോടതി വരെ എത്തി നില്ക്കുന്ന വിഷയമാണ് ഇത്. .സിനിമാമേഖലയിലെ ശുദ്ധീകരണത്തിന് അമ്മയും സഹകരിക്കും. ഞാന് പവര് ഗ്രൂപ്പില്പ്പെട്ട ആളല്ല. ഇത് ആദ്യമായാണു കേള്ക്കുന്നത്.കമ്മിറ്റി റിപ്പോര്ട്ടിനെ കുറിച്ച് നിങ്ങള്ക്കറിയുന്ന അറിവുതന്നെയാണ് എനിക്കുള്ളത്.
എല്ലാവർക്കും തുല്യനീതി ഉറപ്പാക്കണം. താനൊരാൾ വിചാരിച്ചാൽ നിയമം മാറ്റാൻ സാധിക്കില്ല. ഈ പ്രതിസന്ധിയെ മറികടന്ന് മലയാള സിനിമാ മേഖലയെ പുനർ നിർമ്മിച്ച് എടുക്കണം. ജൂനിയർ ആർടിസ്റ്റുകൾക്ക് അസോസിയേഷൻ ഉണ്ടാകണം. നിയമ നിർമ്മാണ സമിതിയുണ്ടാകും. താരങ്ങൾ സെൻ്റിമെൻ്റലാണ്. വളരെയധികം സങ്കടമുണ്ട്. അമ്മയുടെ പ്രസിഡൻ്റ് എന്ന നിലയിലല്ല. ഏറെക്കാലം മലയാള സിനിമയുടെ ഭാഗമായി നിൽക്കുന്നയാളെന്ന നിലയിലാണ് പ്രതികരിക്കുന്നത്. ഇതൊരു വലിയ ദേശീയ അന്തർദേശീയ വാർത്തയായി മലയാള സിനിമാ രംഗം തകരാൻ കാരണമാവരുതെന്നും മോഹൻലാൽ പറഞ്ഞു.
