കണ്ണൂര്: ബി ജെ പി പ്രവര്ത്തകരെ വധിക്കാന് ശ്രമിച്ച കേസില് ക്വട്ടേഷന് പ്രതി അര്ജുന് ആയങ്കിക്ക് അഞ്ച് വര്ഷം തടവുശിക്ഷ.കണ്ണൂര് അസി. സെഷന്സ് കോടതിയാണ് ശിക്ഷ വിധിച്ചത്.
കണ്ണൂര് അഴീക്കോട് 2017ല് ബിജെപി പ്രവര്ത്തകരെ ആക്രമിച്ച കേസിലാണ് ശിക്ഷ വിധിച്ചത്. ഏഴ് സിപിഎം പ്രവര്ത്തകരെയും ശിക്ഷിച്ചിട്ടുണ്ട്. ഏഴ് വര്ഷങ്ങള്ക്ക് മുമ്പാണ് സംഭവം നടന്നത് . അഴീക്കോട് വെള്ളക്കല് ഭാഗത്ത് ബിജെപി പ്രവര്ത്തകരായ നിധിന്, നിഖില് എന്നിവരെ വധിക്കാന് ശ്രമിച്ചു എന്ന കേസിലാണ് ഇപ്പോള് ശിക്ഷ വിധിച്ചിരിക്കുന്നത്.
വധിക്കാന് ലക്ഷ്യമിട്ട് വടിവാളുകൊണ്ടും ഇരുമ്പുവടികൊണ്ടും ഇവരെ പരിക്കേല്പിച്ചു എന്നാണ് പ്രോസിക്യൂഷന് കേസ്. അര്ജുന് ആയങ്കിയെ കൂടാതെ സജിത്, ജോബ് ജോണ്സണ്, സുജിത്, ലെജിത്ത്, സുമിത്ത്, കെ. ശരത്, സി. സായൂജ് എന്നീ സിപിഎം പ്രവര്ത്തകര്ക്കാണ് ശിക്ഷ വിധിച്ചത്. അഞ്ചുവര്ഷം തടവും 25000 രൂപ പിഴയുമാണ് ഇവര് ഒടുക്കേണ്ടത്.
