ഭോപാല്‍: 35 മുസ്ലിം കുടുംബങ്ങളില്‍ നിന്നുള്ള 190 പേര് ഒന്നിച്ച് ഹിന്ദുമത്തിലേക്ക് പരിവര്‍ത്തനം ചെയ്തു. മധ്യപ്രദേശിലെ ഭോപാലി‍ല്‍ നിന്നും 160 കിലോമീറ്റര്‍ അകലെ കിടക്കുന്ന ദേവാസിലാണ് സംഭവം. സന്യാസിമാരുടെ മേല്‍നോട്ടത്തിലായിരുന്നു ഈ മതപരിവര്‍ത്തന ചടങ്ങ് നടന്നത്.
ഇതിന്റെ വീഡിയോയും വൈറലാണ്. മുഹമ്മദിന്റെ പേര് രാം സിങ്ങ് എന്ന് മാറ്റി. അതുപോലെ ഖണ്ഡവായില്‍ ജീവിക്കുന്ന ആദില്‍ പത്താന്‍ തന്റെ പേര് ആദിത്യ ആര്യ എന്ന് മാറ്റി.
മതം മാറിയ 190 പേരില്‍ 55 പേര് പുരുഷന്മാരും 50 പേര് സ്ത്രീകളുമാണ്. ബാക്കിയെല്ലാം കുട്ടികളാണ്. നാല് തലമുറയ്‌ക്ക് മുന്‍പ് തങ്ങളുടെ പൂര്‍വ്വികര്‍ ഹിന്ദുമതത്തില്‍ നിന്നും ഇസ്ലാമിലേക്ക് പരിവര്‍ത്തനം ചെയ്തവരാണെന്ന് അവര്‍ പറയുന്നു. അവര്‍ കുല്‍ദേവിയെ പൂജിക്കാറുണ്ടെന്നും വിവാഹച്ചടങ്ങളില്‍ ഹൈന്ദവരീതികള്‍ പാലിച്ചിരുന്നെന്നും പറയുന്നു.
പ്രതികരിക്കാൻ ഇവിടെ എഴുതുക: