കൊച്ചി: കളമശ്ശേരി രാജഗിരി ഇന്‍ഡോര്‍ ബാസ്ക്കറ്റ്ബോള് സ്റ്റേഡിയത്തില്‍ നടക്കുന്ന 37-ാം ഫാ. ഫ്രാന്‍സിസ് സെയില്‍സ് ട്രോഫി സൗത്ത് ഇന്ത്യ ഇന്റര്‍ സ്‌കോള്‍ ബാസ്ക്കറ്റ്ബോള് ടൂര്‍ണമെന്റ് സെമി ലൈനപ്പ് തയ്യാര്‍.
ക്വാര്‍ട്ടര്‍ ഫൈനലുകള്‍ക്കൊടുവില്‍ ആണ്‍, പെണ്‍ മത്സരങ്ങളിലെ നാല് വീതം ടീമുകള്‍ വ്യക്തമായി. പേണ്‍ വിഭാഗം സെമിയില്‍ സില്‍വര്‍ ഹില്‍ എച്ച്എസ്എസ് കോഴിക്കോട് ഹോളി ക്രോസ് ആംഗ്ലോ ഇന്ത്യന്‍ എച്ച്എസ്എസ് തൂത്തുക്കുടിയെ നേരിടും. മറ്റൊരു സെമിയില്‍ പ്രൊവിഡന്‍സ് എച്ച്എസ്എസ് കോഴിക്കോടും കൊരട്ടി ലിറ്റില്‍ ഫഌവര്‍ കോണ്‍വെന്റ് എച്ച്എസ്എസും തമ്മില്‍ ഏറ്റുമുട്ടും. ആണ്‍ സെമിയില്‍ സെന്റ് എഫ്രേംസ് എച്ച്എസ്എസ് മാന്നാനം തൂത്തുക്കുടി ക്രസന്റ് മെട്രിക് സ്‌കൂളിനെയും കുന്നംകുളം ബോയ്സ് എച്ച്എസ്എസ് പന്തലൂര്‍ എച്ച്എസ്എസ് മലപ്പുറത്തെയും നേരിടും
പെണ്‍ ക്വാര്‍ട്ടര്‍ മത്സരങ്ങളില്‍ ഹോളി ക്രോസ് ആംഗ്ലോ ഇന്ത്യന്‍ എച്ച്എസ്എസ് തൂത്തുക്കുടി കോട്ടയം മൗണ്ട് കാര്‍മല്‍ ഗേള്‍സ് എച്ച്എസ്എസിനെയും (65-47) , കൊരട്ടി ലിറ്റില്‍ ഫ്‌ലവര്‍ കോണ്‍വെന്റ് എച്ച്എസ് എസ് ആലപ്പുഴ ജ്യോതിനികേതന്‍ സ്‌കൂളിനെയും തോല്‍പിച്ചാണ് (56-28) സെമിയില്‍ പ്രവേശിച്ചത്.
ആണ്‍ ക്വാര്‍ട്ടര്‍ ഫൈനലില്‍ മാന്നാനം സെന്റ് എഫ്രേംസ് എച്ച്എസ്എസ് വാഴക്കുളത്തെ കാര്‍മല്‍ പബ്ലിക് സ്‌കൂളിനേയും (42-20) കുന്നംകുളം ഗവ. ബിഎച്ച്എസ്എസ് കോട്ടയം ഗിരിദീപം ബഥനിയേയും (66-53) മൂന്നാം ക്വാര്‍ട്ടര്‍ ഫൈനല്‍ മത്സരത്തില്‍ ക്രസന്റ് മെട്രിക്‌സ എച്ച്എസ്എസ്, തൂത്തുക്കുടി രാജഗിരി കാമശ്ശേരിയെയും (63-28) തോല്‍പിച്ചു. അവസാന ക്വാര്‍ട്ടര്‍ ഫൈനലില്‍ പന്തല്ലൂര്‍ എച്ച്എസ്എസ് പുളിക്കുന്നു സെന്റ് ജോസഫ്‌സ് എച്ച്എസ്എസിനെയും (67-57) പരാജയപ്പെടുത്തിയാണ് സെമിയല്‍ പ്രവേശിച്ചത്.
