കൊച്ചി: ജന്മനാടിന്റെ ആദരവും സ്വീകരണവും ഏറ്റുവാങ്ങുന്നതില് അതിയായ സന്തോഷമുണ്ടന്ന് പി. ആര്. ശ്രീജേഷ്. ഹോക്കിയില് മുന്നേറാന് സംസ്ഥാനത്തും അടിസ്ഥാന സൗകര്യങ്ങള് കൂടുതലായി ഒരുക്കണം. ഒരു ജില്ലയില് ഒരു ഹോക്കി ടര്ഫ് എങ്കിലും വേണം. മുഖ്യമന്ത്രിയെ കാണുമ്പോള് ഈ ആവശ്യം ഉന്നയിക്കും.
തനിക്ക് കിട്ടുന്ന ഓരോ അംഗീകാരവും വളര്ന്നുവരുന്ന യുവതാരങ്ങള്ക്ക് പ്രചോദനമാകും. കോച്ചാകാന് കൂടുതല് തയ്യാറെടുപ്പ് ആവശ്യമാണ്. മാനസികമായി ഇതിനുള്ള ഒരുക്കത്തിലാണ് താനെന്നും അദ്ദേഹം പറഞ്ഞു. സമ്മര്ദങ്ങള് എങ്ങനെ നേരിടാമെന്ന് പുതിയ തലമുറ പഠിക്കണം. കേരളത്തിലേക്ക് വന്ന മൂന്ന് മെഡലും ഹോക്കിയില് നിന്നാണ്. ഹോക്കി കേരളത്തില് വളര്ത്തിക്കൊണ്ടുവരാന് മന്ത്രിമാരുടെ പിന്തുണയോടെ കുടുതല് ഇടപെടല് നടത്തുമെന്നും വെളിപ്പെടുത്തി.
