ന്യൂദല്‍ഹി: പാരീസ് ഒളിംപിക്സില്‍ പങ്കെടുത്ത കായികതാരങ്ങള്‍ പ്രധാനമന്ത്രി നരേന്ദ്രമോദിയുമായി സംവദിച്ചു. പ്രധാനമന്ത്രി താരങ്ങളുടെ അനുഭവങ്ങള്‍ ചോദിച്ചറിയുകയും കായികരംഗത്തെ അവരുടെ നേട്ടങ്ങളെ അഭിനന്ദിക്കുകയും ചെയ്തു. പാരീസില്‍ പോയ ഓരോ കായികതാരവും ചാമ്പ്യന്മാരാണെന്ന് മോദി പറഞ്ഞു.
മികച്ച നിലവാരമുള്ള കായിക അടിസ്ഥാന സൗകര്യങ്ങള്‍ നിര്‍മ്മിക്കുന്നത് തുടരുമെന്നും അദ്ദേഹം അറിയിച്ചു. ഇന്ത്യന്‍ ഒളിപിംക്സ് അസോസിയേഷന്‍ പ്രസിഡന്റ് പി.ടി. ഉഷയും കൂടിക്കാഴ്ചയില്‍ ഒപ്പമുണ്ടായിരുന്നു.
പ്രധാനമന്ത്രിയുടെ ഔദ്യോഗിക വസതിയില്‍ നടന്ന കൂടിക്കാഴ്ചയില്‍ താരങ്ങള്‍ക്കൊപ്പം കുടുംബാംഗങ്ങളും എത്തിയിരുന്നു. പ്രധാനമന്ത്രി കുടുംബാംഗങ്ങള്‍ക്കൊപ്പമുള്ള ചിത്രം
ഹോക്കി ടീം ഗോള്‍കീപ്പര്‍ പി.ആര്‍. ശ്രീജേഷ് പങ്കുവെച്ചു.
തന്റെ കുടുംബത്തിന്റെ ഏറ്റവും മികച്ച ദിനം എന്ന തലക്കെട്ടോടെയാണ് ചിത്രങ്ങള്‍ ശ്രീജേഷ് പങ്കുവെച്ചത്. ശ്രീജേഷിന്റെ അച്ഛന്‍ പി.വി. രവീന്ദ്രന്‍, അമ്മ ഉഷാ കുമാരി, ഭാര്യ ഡോ. അനീഷ്യ, മക്കളായ അനുശ്രീ, ശ്രീഅന്‍ഷ്, സഹോദരന്‍ ശ്രീജിത്ത് തുടങ്ങിയവര്‍ കൂടിക്കാഴ്ചയില്‍ ഒപ്പമുണ്ടായിരുന്നു. ശ്രീഅന്‍ഷിനെ ചേര്‍ത്തുപിടിച്ച പ്രധാനമന്ത്രി അനുശ്രീയെ തലയില്‍ കൈവെച്ച് ആശീര്‍വദിക്കുന്നതും ചിത്രങ്ങളിലുണ്ട്.
പ്രതികരിക്കാൻ ഇവിടെ എഴുതുക: