കോഴിക്കോട്: മൂഴിക്കലില് ബര്ഗറില് നിന്ന് ജീവനുള്ള പുഴുവിനെ കിട്ടിയതായി പരാതി. എംആര് ഹൈപ്പര് മാര്ക്കറ്റില് നിന്ന് വാങ്ങിയ ബര്ഗറിലാണ് പുഴുവിനെ കണ്ടെത്തിയത്. സംഭവത്തിന് പിന്നാലെ ബര്ഗര് കഴിച്ച രണ്ട് പേര്ക്ക് ഛര്ദി അനുഭവപ്പെട്ടു. ഇരുവരും ആശുപത്രിയില് ചികിത്സയിലാണ്. സംഭവത്തില് കോഴിക്കോട് കോര്പ്പറേഷന് ആരോഗ്യ വിഭാഗത്തിന് പരാതി നല്കി.
ചിക്കന് ബര്ഗറിലാണ് പുഴുവിനെ കിട്ടിയത്. ഓണ്ലൈനില് ഓര്ഡര് ചെയ്താണ് രണ്ട് ബര്ഗര് വാങ്ങിയത്. ഒരു ബര്ഗര് പൂര്ണമായി ഇരവരും കഴിച്ച ശേഷമാണ് പുഴുവിനെ കണ്ടെത്തിയത്. അടുത്തദിവസം രണ്ടു പേര്ക്കും ഛര്ദിയും ദേഹാസ്വാസ്ഥ്യവും അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു.
