ബില്ബാവോ: യൂറോപ്യന് ക്ലബ്ബ് ഫുട്ബോളിന്റെ പുതിയ സീസണിന് ഇന്ന് തുടക്കം. സ്പാനിഷ് ലാലിഗയിലാണ് ആദ്യ മത്സരം അത്ലറ്റിക്കോ ബില്ബാവോയും ഗെറ്റാഫെയും തമ്മിലാണ്. ലീഗിലെ മറ്റ് മത്സരങ്ങള് നാളെ നടക്കും.
ലാലിഗ നിലവിലെ ജേതാക്കളായ റയല് മാഡ്രിഡിന്റെ ആദ്യ പോരാട്ടം ഞായറാഴ്ച രാത്രിയിലാണ്. സൂപ്പര് താരം കിലിയന് എംബപ്പെ ക്ലബ്ബില് കരിയര് ആരംഭിക്കുന്ന സീസണ് കൂടിയാണിത്.
ഏറ്റവും കൂടുതല് ആരാധകരുള്ള പ്രീമിയര് ലീഗ് ഫുട്ബോള് നാളെ രാത്രിയോടെ ആരംഭിക്കും. രാത്രി 12.30ന് നടക്കുന്ന കളിയില് മാഞ്ചസ്റ്റര് യുണൈറ്റഡും ഫുള്ഹാം യുണൈറ്റഡും തമ്മിലാണ്. ഇറ്റാലിയന് സീരി എ, ഫ്രഞ്ച് ലിഗ് വണ് എന്നിവയും ഈ ആഴ്ച്ചയില് ആരംഭിക്കും. ജര്മന് ബുന്ദസ് ലിഗ മാത്രമാണ് അടുത്ത ആഴ്ച ആരംഭിക്കുന്നത്.
