ലണ്ടന് : യുകെയിലെ ഐടി, ടെലികോം മേഖലയില് എന്ജിനീയറിംഗ് പ്രഫഷനലുകളുടെ കുടിയേറ്റം നിയന്ത്രിക്കും.ഈ രംഗത്ത് വിദേശ റിക്രൂട്മെന്റ് വ്യാപകമാകാനുള്ള കാരണം വിലയിരുത്താന് യുകെ ആഭ്യന്തരമന്ത്രി ഇവറ്റ് കൂപ്പര് സ്വതന്ത്ര ഏജന്സിയായ മൈഗ്രേഷന് അഡൈ്വസറി കമ്മിറ്റിയോട് നിര്ദേശിച്ചു.
യുകെയില് കുടിയേറ്റവിരുദ്ധ കലാപം തുടരുന്ന സാഹചര്യത്തിലാണ് നീക്കം. നിയന്ത്രണമേര്പ്പെടുത്തിയാല് ബാധിക്കുക ഇന്ത്യയില്നിന്നുള്ള പ്രഫഷനലുകളെ ദോഷകരമായി ബാധിക്കും.
ഐടി, ടെലികോം മേഖലയിലെ തദ്ദേശീയ പ്രഫഷനലുകളുടെ കുറവ്, വേതനം, പരിശീലനം, വിദേശ ജീവനക്കാര്ക്ക് പകരമുള്ള മാര്ഗം തുടങ്ങിയ കാര്യങ്ങളില് ഒമ്പത് മാസത്തിനകം റിപ്പോര്ട്ട് നല്കാനാണു നിര്ദേശം.
കുടിയേറ്റ വ്യവസ്ഥകള് ഫലപ്രദമായി നടപ്പാക്കുന്നതിനെപ്പറ്റി പഠിക്കാനും തദ്ദേശ ജീവനക്കാരുടെ ശമ്പളപരിഷ്കരണത്തിനുള്ള മാര്ഗങ്ങള് പരിശോധിക്കാനും കമ്മിറ്റിയോട് ആവശ്യപ്പെട്ടിട്ടുണ്ട്.
